Дар мактаб интернати ҷумҳуриявии ноҳияи Рӯшон ба ифтихори Рӯзи Рӯдакӣ чорабинии хеле хуби Рӯдакихонӣ баргузор гашт. Шогирдони ин муассисаи таълимӣ ба ин маҳфил тайёрии пухта дида, барномаи хуби шеъру сурудхонӣ, рақси м авзунро пешкаши аҳли толор гардониданд.

Бахусус, саҳначаи аз ашори устод Рӯдакӣ тайёркардаи хонандагон таҳти унвони «Бо чашми дил бинам» диққатҷалбкунанда буд, ки саршор аз панду насиҳат ба фарзанд ва тарбияи дурусти насли наврас дарак медод. Боиси зикр аст, ки шогирдони синфи нуҳуми ин муассисаи таълимӣ нақшҳоро хеле моҳирона офарида, ба тамошобинон асли маънии гуфтори устод Рӯдакиро фаҳмонда дода тавонистанд.

Дар маҳфил ровӣ, сароянда, раққос- хонандаи синфи нуҳум Анисаи Қобилшо, сарояндаи сурурди якка Зикришоева Сафина,  Ҷалилова Гулрӯ, Самадова Камила, Файзуллоев Хушрӯз, Давлатов Фарзон, Қиренов Сиёвуш, Имомиддинов Муин, Саркоров Фирдавс, Завқибекова Руқия ва ғайра ҳунари хуби сарояндагӣ, раққосӣ ва нақшофариро пешкаши ҳозирин гардониданд.

Шарти дигари маҳфил суолу посух буд, ки он як навовариеро дар чорабиниҳои фарҳангии ноҳия  рӯйи кор овард. Хонандагони синфи нуҳуми муассиса аз саҳнаи толор ба ҳозирини зал суол медоданд ва хонандагону меҳионони дар толор нишаста ба саволҳояшон посух медоданд. Ин як навъи хуби  омӯзиши ҳаёту фаъолияти устод Рӯдакист, ки то ин замон дар дигар маҳфилҳо ба назар намерасид. Хушбахтона ин бахши барнома барои ҳозирин маълум сохт, ки таълиму тарбия дар мактаб-интернати ҷумҳуриявӣ дар сатҳи баланд қарор дорад.

Чунин маҳфилро директории муассисаи мазкур Лайло Чоршанбиева
, мураббии хонандагон Ниёзбегим Зеварова ва муаллими мусиқии мауссиса Муқбилшо Давлаталиев рӯйи саҳна овардаанд, ки дар тарбияи идеявӣ ва хештаншиносии шогирдон нақши басо ҷолибро бозида тавонист.  

Дар фарҷоми маҳфил директории мактаб-интернати ҷумҳуриявии ноҳияи Рӯшон Лайло Чоршанбиева ҳунармандони наврасро таҳсину офарин ва ҷумла нишастагони толорро ба ифтихори Рӯзи Рӯдакӣ табрик гуфта, дар таҳсилоти минбаъадаашон муваффақиятҳо хост.

Мамадалӣ Бахтиёров.ноҳияи Рӯшон