1 октябри соли равон бахшида ба  Рӯзи забон давлатии Ҷумҳурии Тоҷикистон  дар китобхонаи деҳаи Емс конфронси илмӣ-адабӣ таҳти унвони «Забон пояи миллат аст» доир гардид. Чорабинии мазкур бо ташаббуси китобдори деҳа Нигина Гадомамадова омода гардида, дар он хонандагони МТМУ №17  фаъолона иштирок  карда, аз мартабаю манзалати забони давлатӣ ҳарф заданд. Инчунин, омӯзгори фанни забон ва адабиёти тоҷики муассисаи номбурда Ҷамила Ширмамадова р ҷеъ ба арҷ гузоштан ба забони ноби тоҷикӣ ба аҳлинишаст маърӯза намуд. 

Дӯстдорони китоби деҳаи Бағу низ бо китобдори деҳа Сатрина Кадамова барномаи ҷолиберо, ки иборат аз саҳнача, рақсу суруд, қироати шеъру тарона, ки мавзуи  забонро фарогир буданд, пешкаши ҳозирин гардониданд.

Дар фарҷом Саодат Бозидова мудири бахши фарҳанги ноҳия ва масъулони китобхонаи ноҳия иштирокдорони конфронсро бо ин  рӯз таҳният гуфтанд ва  ба масъулин барои баргузории чорабиниҳои минбаъда тавсияҳо пешниҳод намуданд.

С.Дустова