Ба истиқболи 30-солагии иСтиқлолияти давлатии Ҷумҳурии Тоҷикистон дар деҳаи Барррӯшони ноҳияи Рӯшон  мактаби нави замонавӣ мавриди истифода қарор гирифт.Муассиса бо маблағгузории Дирексияи сохтмони назди Президенти Ҷумҳурии Тоҷикистон бо сифати баланд сохта  шуд.

Дар кушодашавии муасисаи таълимӣ муовини сарвазири Ҷумҳурии Тоҷикистон Зокирзода Маҳмадтоир, раиси ВМКБ Ёдгор Файзов, раиси ноҳияи Рӯшон Фаррух Додхудоев ва дигар шахсони расми ширкат варзиданд.

Баъд аз буридани лентаи расмӣ аз ҷониби шогирдони мактаб суруди миллӣ бо садои зинда садо дод.

Меҳмонон аз синфхонаҳои замонавӣ, таҷҳизоти техники мактаб, толори варзишӣ, синф-кабинетҳо дидан карда, бо толибилмони мактаб суҳбатҳои озод ташкил намуданд.

Баъдан дар толори маҷлисии мактаб маҷлиси тантанавӣ доир гашт. Маҷлисро раиси ВМКБ Ёдгор Файзов бо сухани муқаддимавӣ кушод.  Сипас муовини сарвазири мамлакат Зокирзода Маҳматоир суханронӣ намуд. Аз номи омӯзгорони мактаб Лутфия Худодова, аз номи хонандагон Карамхудоева баромад карда, ба роҳбари мамалакат, Пешвои миллат Эмомалӣ Раҳмон изҳори миннатдории самими аҳли омӯзгорону хонандагонро баён сохтанд.