27 май  дар   толори   мактаб-интернати  ҷумҳуриявӣ  маҳфили ёдбуди  яке аз   шахсиятҳои  шинохтаи  ҷумҳурӣ, донишманди  соҳаи фалсафа, собиқ вакили    Маҷлиси Олии Ҷумҳурии Тоҷикистон – шодравон Муҳаббатшо  Рӯзадоров   баргузор  шуд.

  Дар амалӣ  намудани чорабинии мазкур   мақомоти   иҷроияи  ҳокимияти  давлатии  ноҳия, маъмурияти   мактаб-интернати  ҷумҳуриявӣ ва  идораи   моҳномаи «Пайғоми Рӯшон»  иқдом  намуданд.

  Нахуст, дар саҳни   бинои мактаб  истиқболи  хешону  ақрабо ва  ёру  дӯстони  шодравон  Муҳаббатшо ва  масъулини  ноҳия  бо каломи  манзуми   шогирдону  устодон  сурат  гирифта, дар  толори  таълимгоҳ қисмати асосии  барномаи  маҳфил  оғоз  ёфт.  Муовини  раиси  ноҳия Заррина Абдуламинова  дар  бораи фаъолияти  ибратомӯзи  донишманди  зиндаёд М.Рӯзадоров  ва  аҳамияти чунин  чорабиниҳои муфид  дар  тарбияи  насли   ҷавон  сухан  ронда, қайд  намуд, ки  мақомоти  иҷроияи  ҳокимияти  давлатии ноҳия  рӯйи манзури пос  доштани    хотираи  неки  зодагони   шуҳратёри  Рӯшонзамин бо мақсади таҳкиму тарвиҷи арзишҳои волои  инсонӣ, бавижа,  худшиносию  ватандӯстӣ минбаъд  ҳам  ба  таври  анъанавӣ  чунин   тадбирҳоро      роҳандозӣ  мекунад.

    Лайло  Чоршанбиева – директори  мактаб-интернати  ҷумҳуриявӣ, М.Муллозода- муовини   прокурори  ноҳия, Замир Қобилов –дӯсти аёми   бачагӣ   оид ба  кору  рӯзгори пурсамар,  саҳми   боризи  зиндаёд   дар   рушуд  ободии кишварамон ҳарф  заданд.

   Илчай  Некқадамова      аз  номи  пайвандони   шодравон   ба  ташкимлкунадагони       чорабинӣ  изҳори  сипос  намуд.

     Дар  қисмати  дуюми маҳфил  шогирдони  мактаб-  интернат ва    ҳунармандони  бахши фарҳанги  ноҳия   хотири ҳозиринро  бо  созу  наво   шод  гардонданд.