Ғолибони озмуни довталабон, барои гирифтани стипендияи Президенти Ҷумҳурии Тоҷикистон, раиси ВМКБ ва раиси ноҳияи Рушон муайян гардиданд.
Бахши кор бо ҷавонон ва варзиши ноҳияи Рушон дар ҳамкорӣ бо шӯъбаи маориф, санаи 27 майи соли равон дар бинои Мактаб интернати ҷумҳуриявӣ озмуни довталабон, барои гирифтани стипендияи Президенти Ҷумҳурии Тоҷикистон, раиси ВМКБ ва раиси ноҳия баргузор намуд. Дар озмун хонандагони болаёқат аз аксарияти муассисаҳои таъсилоти миёнаи умумии ноҳия иштирок намуда, мувофиқи низомнома дар бораи стипендияҳои Президенти Ҷумҳурии Тоҷикистон барои хонандагони мактабҳои таҳсилоти умумӣ, литсейҳо, гимназияҳо, омӯзишгоҳҳои касбӣ – техникӣ, омӯзишгоҳҳо, техникумҳо ва коллеҷҳо гузаронда шуд.
Мувофиқи нишондодҳои охир, хонандаи синфи 10-и МТМУ №8 Қурбонгули Мамадносир, хонандаи синфи 7-и МТМУ №9 Муборакқадамов Амин ва хонандаи синфи 9-и МТМУ №5 Худододова Илмия ҷоизадори стипендияи Президенти Ҷумҳурии Тоҷикистон, хонандаи синфи 8-и МТМУ №10 Анисаи Назармамад ҷоизадори стипендияи раиси ВМКБ ва хонандаи синфи 9-и МТМУ №13 Лалбекова Танзила, хонандаи синфи 9-и МТМУ №7 Мамадиева Замира ва хонандаи синфи 9-и МТМУ №6 Давлатов Ибодулло ҷоизадори стипендияи раиси ноҳия гардиданд.