Раиси тозаинтихоби ноҳияи Рӯшон Додхудоев Фаррух тасмим гирифт, ки корашро аз вохӯр бо шаҳрвандони ноҳия оғоз бахшад.  Алаккай дар деҳаҳои Вамду Деррӯшон, Шидзу Шипад чунин вохӯриҳо баргузор гаштанд.  Раиси ноҳия нахуст аз муассисаҳои таълимӣ, клубу хонаҳои фарҳанг, ҳолу аҳволи мардуми деҳаҳо хабар гирифта, сипас дар ҷамъомад аз рушду инкишофи ноҳия дар тули соли ҷорӣ ва наќшаҳои ояндаи маќомоти иҷроияи ҳокимияти давлатии ноҳия ба шаҳрвандон ахборот дод. Мавсуф дар суханронияш зикр намуд, ки Асосгузори сулҳу ваҳдат, Пешвои миллат, Президенти кишвар ҳангоми ќабулаш ќайд намуд, ки «шуморо бо фармонам раиси ноҳия интихоб карда метавонам, аммо фармон дода наметавонам, ки шумо байни халќ шуҳрат пайдо кунед».Ҳамин аст нияти Президенти кишвар, ки ҳазорҳо маънӣ дар он нуҳуфтааст. Ин сухани бузургворонаи Асосгузори сулҳу ваҳдати миллӣ, Пешвои муаззам маро водор месозад, ки бештар дар байни мардум бошам ва аз каму кости онҳо бохабар бошам. Фаќат бо ҳамин восита кори роҳбариро ба роҳ монда метавонам. Аз ин хотир ният кардам, ки сар аввал дарди мардумро шунавам ва пас аз руйи дархосту талаби мардум наќшаи чорабинӣ тартиб дода, дар ҳалли он кӯшиш намоям. Умедворам, ки дар ҳамбастагӣ бо ҳам мо роҳи ҳалли бисёр масъалаҳоро пайдо карда метавонем.

Дар ин вохӯрӣ раиси ноҳияро сардори Кумитаи амнияти давлатии ноҳия, сардори шуъбаи Вазорати корҳои дохилии ноҳия, сардори нозироти андоз, сардори Агентии беҳдошти замин, сардори «Помирэнерҷи», муовини раиси кумитаи замин ва дигарон ҳамроҳӣ намуда, ба саволу дархостҳои мардум ҷавоб гуфтанд.

Мамадалӣ Бахтиёров, ноҳияи Рӯшон