Бо ибтикори  мақомоти  иҷроияи ҳокимияти давлатии ноҳия бо мақсади  иҷрои силсилаи тадбирҳои  фестивал- намоиш ва  озмунҳои  анъана ва  ҳунарҳои   мардумӣ барои  солҳои 2019-2021 дар  асоси  супориши  мақомоти  иҷроияи ҳокимияти давлатии ВМКБ рӯзи 14  июни  соли ҷорӣ дар  Қасри  фарҳанги  ноҳия озмуни «Ровии  беҳтарин» баргузор  гардид. Дар ин маҳфили  адабӣ 5 Ҷамоати деҳот: М. Абдулвасиев, Н. Додхудоев, Рӯшон, Пастхуф ва  Бартанг довталабонро  таъмин  намуда, онҳо дар мавзуъҳои  Истиқлолияти давлатӣ, Ваҳдати  миллӣ, Сулҳу  амонӣ, ватандӯстӣ, саҳмгузорӣ ва  фидокориҳои  Пешвои  миллӣ аз  ашъори  шоирони  классикӣ  ва  муосири  тоҷик шеърҳо  ба таври ифоданок  қироат  намуданд.

Озмун  таҳти  шиори « Тоҷикистон- Ватани мо» аз 1 май то 24  июн идома  карда, дар  он  донишҷӯёни сини   аз 18 то 30-сола  ҳунарнамоӣ менамуданд.

Бо  мақсади  пурра  омода шудани  довталабон  ва  иҷро  шудани   талабот озмун  дар  се давр: ҷамоатӣ, ноҳиявӣ ва  вилоятӣ  сурат  мегирад.

Ҳакамон  ҳангоми  баҳодиҳӣ ба  ҳунару  истеъдод ва маҳорати  иштироккунандагон, мазмуну мавзуъ, ҳаҷму  жанр,  тарзи баёну ифода, тозагии  забон, аниқ будани  номи  муаллиф   ба  инобат  гирифтанд.

Машварати  дақиқи  ҳакамон  маълум намуд, ки тарзи шеърхонӣ ва  баёни  эҳсоси  лирикии Давлатманди Давлатхон (донишҷӯйи Донишгоҳи  техникии  шаҳри  Душанбе), Хуршед  Давлатов (корманди  бахши  фарҳанг)  ва Наргис Бекова ( донишҷӯйи Донишгоҳи  Хоруғшаҳр)   нисбати  ҳарифонашон афзалият  дошт ва  номбурдагон, мутаносибан сазовори ҷойҳои  1,2, ва 3 гардида, ба  даври  сеюми   вилоят роҳхат  гирифтанд.

Ҳамаи  иштироккунандагони  озмун бо ифтихорномаҳои  раиси ноҳия ва китобҳои  бадеӣ  тақдир  шуданд.

 Ҳунарнамоии  ниҳоии довталабони  озмуни «Ровии беҳтарин» рӯзи 24  июни  соли  равон дар шаҳри  Хоруғ  баргузор  гардида, тавассути  телевизони «Бадахшон»  пахш  карда  мешавад.