Ситоди Доимо амалкунандаи мақомоти иҷроияи ҳокимияти давлатии ноҳияи Рушон оиди паҳншавии касалии «Короновирус»
Дар мақомоти иҷроияи ҳокимияти давлатии ноҳияи Рушон оиди пешгирӣ намудани касалии «Короновирус» ситоди доимоамалкунанда таъсис дода шуд.
12 феврали соли равон дар толори мақомоти иҷроияи ҳокимияти давлатии ноҳия оиди пешгирии ин касалӣ ситод даъват шуда, сардухтури табобатхонаи ноҳия оиди пайдоиш ва паҳншавии короновирус, ки дар 25 давлати дунё ба қайд гирифта шудааст, маълумоти мушаххасро баён карданд. Мардонаев Х қайд намуданд, ки аз 41000 нафар сироятёфтагон то ба имрӯз 913 нафар вафот ва 7000 нафар дар ҳолати вазнин қарор доранд.хушбахтона дар қаламрави Ҷумҳурии Тоҷикистон то ба имрӯз ягон нафар гирифтори ин касалӣ ба қайд гирифта нашудааст. Дар охир раиси ноҳия масъулинро, сардори шуъбаи вазорати корҳои дохилӣ, роҳбарони мактаб – интернати ҷумҳуриявӣ ва интернати маъюбон, директори Маркази саломатӣ, сардухтури табобатхонаи марказӣ, маркази назоратии санитарию эпидемологӣ, сардори ситоди ҳолатҳои фавқулода, сармуҳаррири рӯзномаи «Пайғоми Рӯшон» ва раисони ҷамоатҳои деҳоти ноҳияро вазифадор намуданд, ки риояи одитарин қоидаҳои санитарӣ-гигиенӣро дар муассисаҳо ҷорӣ намоянд.