Нимаи аввали рӯзи  якуми июни соли равон, дар арафаи таҷлили Рӯзи кӯдакон ва сазовор пешвоз гирифтани 30 - солагии Истиқлолияти давлатии  Ҷумҳурии Тоҷикистон, дар маҷлисгоҳи муассисаи таҳсилоти миёнаи умумии №9 вохурии раиси Кумитаи иҷроияи Ҳаракати Ваҳдати миллӣ ва эҳёи Тоҷикистон - Рудобаи Мукаррам бо ятимони кулл ва хонандагону омӯзгорони муассиса доир гардид.
     Масъулини муассиса ҳайати гуррӯҳи кориро бо шеърхонии адибони навқалам ва иштирокчиёни озмуни ҷумҳуриявии “Фурӯғи субҳи доноӣ китоб аст...” дар саҳни муассиса пешвоз гирифта, хайрамақдам намуданд. 
     Сипас, дар маҷлисгоҳи муассиса чорабинии маърифатӣ оғоз гардида, нахуст узви Маҷлиси миллии Маҷлиси Олии Ҷуҳурии Тоҷикистон, раиси ноҳияи Рӯшон - Додхудо Фаррух Муборакшо меҳмононро бо аҳли нишаст шинос намуда, суханро ба раиси Кумитаи иҷроияи Ҳаракати Ваҳдати миллӣ ва эҳёи Тоҷикистон Рудобаи Мукаррам арза намуд. 
     Раиси Кумита саломи саршор аз меҳру муҳаббат ва самимонаро арзонӣ дошта, қайд карданд, ки шахсони имкияташон маҳдуд ва ятимону бепарасторон ҳамеша дар мадди назар ва зери сарпарастии роҳбарияти олии кишвар қарор доранд. Асосгузори сулҳу Ваҳдати миллӣ - Пешвои миллат, Презедиденти Ҷумҳурии Тоҷикистон муҳтарам Эмомалӣ Раҳмон баҳри соҳибкасб намудан, соҳиби маълумот ва ҷойи кор гаштани ин қишри ҷомеа тамоми кӯшишҳоро ба харҷ медиҳанд. Дар фарҷоми суҳбат  ба ятимони кулл туҳфаҳои хотиравӣ тақдим намуда, зикр намуданд, ки шумо ҳаргиз яккаву танҳо нестед, зеро  таваҷҷуҳи  роҳбари давлат ва Ҳукумати  мамлакат пеш аз ҳама ба  ин тоифа равона  шудааст.
      Бояд тазаккур дод, ки дар чорабинии мазкур, ҳамзамон, Манучеҳр Шарифзода - муовини вазири фарҳанг ва Ғафурзода Абдухалил - ректори академияи идоракунии давлатии назди Президенти Ҷумҳурии Тоҷикистон иштирок намуданд.
      Суҳбату вохурии гуруҳи кории ҳукумати кишвар дар деҳаҳои дурдасти водии Бартанг идома доранд.