Дар маҷлисгоҳи хурди Мақомоти иҷроияи маҳаллии ҳокимияти давлатии ноҳияи Рӯшон пленуми 1У Шӯрои собиқадорони ҷангу меҳнат баргузор гашт. Дар кори пленум муовини аввали раиси ноҳияи Рӯшон Дӯстализода Гулмаст ширкат варзид.
Пленум масъалаи тайёрӣ ба истиқболи 75 солагии ғалаба бар фашизми Олмонро мавриди муҳокима қарор дод. Аз рӯйи масъала раиси Шӯрои собиқадорони ҷангу меҳнати ноҳияи Рӯшон Меҳриддин Замонов баромад намуд.
Баъдан собиқадорони меҳнат Ҳайдаршо Муборакшоев, Окимшо Мирзошоев, сардори бахши ҳифзи иҷтимоии ноҳия Мирзобекова, сардори шуъбаи Агентии ҳифзи иҷтимоии ва суғуртаи ноҳия, Бахтибеков Бахтибек ва дигарон суханронӣ намуда,барои сазовор пешвоз гирифтани 75 солагии рӯзи ғалаба таклифу пешниҳодоти хуберо пешкаш намуданд. Аз ҷумла таклиф шуд, ки ёдгории шаҳидони ҷангро аз боғи фарҳанг ба маркази ноҳия кӯчондан лозим аст, то барои насли наврас як аёнияти хуб гардад. Дишар аз таклифҳо ташкили музеи ноҳиявӣ, ки дар он сурату либосҳои иштирокчиёни ҷанг маҳфуз гарданд.
Дӯстализода Гулмаст дар суханронияш таклифҳоро хуш пазируфт ва миннатдори мақомоти иҷроияи маҳаллии ҳокимияти давлатии ноҳияро ба собиқадорон иброз намуд, ки дар тарбияи насли наврас аҳми арзандаи худро мегузоранд.
Пленум аз рӯйи масъали муҳокимашуда, бо назардошти таклифу дархостҳои баёнгардида қарори дахлдорро қабул намуд.