10 октябр дар толори   мактаб-интернати ҷумҳуриявии ноҳияи Рӯшон ба  муносибати  Рӯзи фалак   барномаи рангини фарҳангӣ  роҳандозӣ  шуд, ки  ташуббускори  он  бахши фарҳанги ноҳия  буд.  

    Рӯзи фалак, ки бо  амри Президенти Ҷумҳурии Тоҷикистон аз   соли 2005 ин ҷониб дар кишварамон,  ҳамасола,   рӯзи 10 октябр     таҷлил мегардад,  дар   ноҳияи Рӯшон имсол бори аввал ба  таври   расмӣ ва тантанавӣ   гиромӣ   дошта   шуд.

     Санъаткорони   ҷавони соҳибистеъдод – Муҳайё  Давлаталиева, Зоҳир  Қузиев, Мирзоазиз Мамадазизов, Убайд Аёмбеков, Мақсудшо  Наврӯзшоев,  Асанқул   Худододов  ва  гуруҳи  ҳунармандони аз  деҳаи Дерзуд  бори аввал  дар  жанрҳои фалак,  дафсоз   ва дигар  навъҳои  мусиқии  суннатӣ  ҳунари  хешро  пешкаши  тамошобинон  гардонданд.                                                                                             «Пайѓоми Рӯшон»