Раиси Кумитаи давлатии амнияти миллии Ҷумҳурии Тоҷикистон Саймумин Ятимов баъди вохӯрӣ бо сокинони Ванҷу Дарвози ВМКБ ба ноҳияи Рӯшон ташриф оварда, дар ҳузури табақаҳои гуногуни аҳолӣ оид ба самтҳои асосии тараққиёти иқтисодию иҷтимоии мамалакат, дастовардҳои шоёни таҳсини даврони истиқлолияти давлатии Ҷумҳурии Тоҷикистон, ҷонибдорӣ аз сиёсати бунёдкоронаи Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон андешаронӣ намуд. Мавсуф, бахусус,аз зарару хатари ҳизбҳои ҳаракатҳои ифротгаро, аз қабили ДИИШ, Ал- Қоида, Ҳизб- ут- таҳрир, назҳати ислом ва дигар ҷунбишу гуруҳҳои тахрибкор бо истинод ба далелу бурҳон собит ҳарф зада, ҳозирин ва дар шахсияти онҳо тамоми сокинони ноҳияро ба зиракии сиёсӣ, ҳамкорӣ бо сохторҳои қудратию низомӣ, сарҳадбонон ва мақомоти ҳокимияти давлатӣ даъват намуд.
Саймумин Сатторович авзои носуботи олами Араб, ноамнии вазъияти Сурия, Ироқ, Лубнон,ҳолати ҷангзада ва харобгаштаи Ҷумҳурии исломии Афѓонистони ҳамҷаворро таҳлил карда, аз тантанаи сулҳу суботи Ватани азизамон-Тоҷикистон, меҳнатдӯстии халқи шариф, ваҳдати миллӣ бо ифтихор суханронӣ кард.
Раиси кумитаи давлатии амнияти миллӣ хурофоту таассуб, хусусан, ифроту тафритро дар ислом сахт маҳкум карда, қазияи ниҳоят ҳассос-хусумату бадинӣ ва нафрати тарафайнро миёни мазҳабҳои шиа ва суннӣ, ки душманони идеологӣ онро ҳамчн «нерӯи пуриқтидор» баҳри халалдор кардани суботи кишвар ва минтақа сӯистифода менамояд, бо далелҳои мушаххас ҳушдор дод.
«Агар амнияти комили давлат хоҳед, -гуфт раис- ба омӯхтани илму дониш машѓул шуда, давлатро ба заҳмат обод намоед»-хотима кард нотиқ.
Раиси ноҳияи Рӯшон Фаррух Додхудоев ба раиси кумитаи давлатии амнияти миллии Ҷумҳурии Тоҷикистон ҳангоми сухани хотимавӣ изҳори миннатдорӣ намуд ва арз кард, ки халқи шарифи ноҳияи Рӯшони сиёсати хирадмандонаи Пешвои муаззами миллат ва Ҳукумати Ҷумҳурии Тоҷикистонро комилан ҷонибдорӣ менамоянд.
«ПР»