13 ноябри соли равон дар маҷлисгоҳи мактаб-интенранти ҷумҳуриявӣ бахшида ба 120 -солагии Қаҳрамони Тоҷикистон  Шириншоҳ Шоҳтемур чорабинии адабӣ –фарҳангӣ доир гардид. 

Таҷлили  солгарди таърихии ин абармарди миллат бо  намоишномаи  таърихие   аз ҳаёту фаъолияти пурифтихор ӯ  оғоз гардид.

Раиси ноҳия Фаррух Додхудоев аҳли нишаст ва мардуми ноҳияро бо ин санаи таърихӣ   таҳният гуфта, арз дошт, ки   меҳнати пурмашаққат ва зинадгиномаи ибратомӯзи ҷонфидои   миллат бояд барои насли  ҷавони ватан  намунаи ибрат гардад.

Раиси Шӯрои собиқадорони меҳнат М.Замонов  перомуни лаҳзаҳои пурифтихори рӯзгори Қаҳрамони халқ  Шириншоҳ Шоҳтемур бо тафсил  суханронӣ  кард.

Директори МТМУ №8  Қ. Паймораева    саҳми  Қаҳрамони миллатро  дар рушду тараққиёти соҳаи маориф дар вилоят шоистаи таҳсин хонда,  қайд намуд, ки барои барҳам додани маҳви бесаводӣ, тарбияи насли наврас ва чопи  китобҳо ба забони тоҷикӣ  талошҳои зиёдро ба харҷ додааст.

Барномаи фарҳангие, ки аз тарафи ҳунармандони бахши фарҳанги ноҳия ва тарбиятгирандагони мактаб-интернати ҷумњуриявӣ, ки иборат аз намоишномаи  таърихӣ, рақсу суруд ва қироати шеър иборат буд, ба чорабинӣ ҳусни  иловагиро   зам намуд.  

С.Дустова, ноҳияи Рӯшон