Саннаи 23 майи соли равон дар Боғи фарҳангии ноҳия “Рӯзи ҷавонони Тоҷикистон” бо як шукӯҳу шаҳомати хоса таҷлил гардид. Сар аввал раиси  ноҳияи Рушон мӯҳтарам Додхудоев Фарух Муборакшоевич, аз дастовардҳои варзишгарони ноҳия ва ҳунарҳои мардумӣ, ки масъули дасти ҳунармандони ҷавони ҷамоатҳои деҳоти ноҳия буданд дидан намуда, сипас вохурии раиси ноҳия бо ҷавонон доир гардид. Раиси ноҳия дар суханрониашон аввалан ҷавононро ба муносибати ин руз табрик намуда, аз дастгириҳои пайвастаи Ҳукумати Ҷумҳурии Тоҷикистон дар самти татбиқкунии сиёсати давлатии ҷавонон зикр намуданд. Баъдан бархе аз ҷавонони фаъолро бо ифтихорномаи раиси ноҳия ва мукофотҳо қадрдонӣ намуданд. Баъд аз суханронии раиси ноҳия собиқадори меҳнат – Мирзошоев Ҳокимшо ва омӯзгори МТМУ №9 – Алиназарова Аъло низ ҷавононро табрик намуданд.

Дар нимаи дуюми чорабинӣ барномаи фарҳангӣ бо иштироки беҳтарин ҳофизони вилоят баргузор гардид, ки дар он теъдоди зиёди ҷавонон иштирок намуда бо хурсандиву хушбахтӣ рақсу бозӣ мекарданд. Пас аз фарҷоми барномаи фаҳангӣ мусобиқаи варзишӣ аз намуди волейбол байни мардону бонувон ташкил гардида, ба “Шоми ҷавонӣ” як симои дигарро бахшид.