11 октябри соли равон дар саҳни мактаб-интернати ҷумҳуриявии ноҳияи Рӯшон Иди Меҳргон бо тантана таҷлил гардид. Кормандони идораву муассисаҳои ноҳия дар ин ҷашн ширкати фаъолона доштанд ва аз маҳсули дастранҷи хоҷагидорони ҷамоатҳои М.Абдулвосиев, Н.Додхудоев, Рӯшон, Пастхуф, ки онро ба маърази тамошо гузоштанд, дидан намуданд.

Муовини якуми раиси ноҳия Дустализода Гулмаст бо кормандони масъул  аз намоиши хоҷагидоронро аз назар гузаронида, иштирокчиён ва мардуми меҳнат қарини Рӯшонзаминро ба ин муносибат таҳният гуфта, арз дошт, ки бо пешниҳоди Асосгузори сулҳу ваҳдати миллӣ, Пешвои миллат, Президенти мамлакат Эмомалӣ Раҳмон Иди Меҳргон  дар баробари ҷашнҳои миллии мо Наврӯз ва Сада  тай чандсоласт, ки бо шукуҳ таҷлил мегардад.

Ин иди бузург таърихи чанд ҳазор сола дошта, аҷдодони мо ба он  меҳри беандоза доранд, зеро   шуѓли асосии эшон кишоварзӣ маҳсуб меёфту онҳо дар ин айём самараи меҳнати хешро ба даст меоварданду барои шукру сипос ва арзонии неъматҳои моддӣ онро таҷлил менамуданд.

Дар ташкилу гузарнондани иди Меҳргон саҳми бахши кишоварзии ноҳия, ки асоси пешравию натиҷаи мусбат ба даст овардани кишоварзон мебошад, назаррас аст.

Дар ин тадбир аз номи мақомоти иҷроияи ҳокимияти давлатии ноҳия раисони хоҷагиҳои деҳқонии «Ганҷ», «Бахтоваршо»  ва «Броимбек» бо ифтихорномаи раиси ноҳия сарфароз гардиданд.

Барномаи фархангие, ки аз ҷониби кормандони бахши фарҳанги ноҳия ва масъулони мактаб-интернати ҷумҳуриявӣ пешкаш гардидид, ба таҷлил ид ҳунидигарро зам намуд.

С.Дустова