16-уми августи соли равон ба муносибати Рӯзи кормандони тиб дар табобатхонаи марказӣ чорабинии тантанавӣ баргузор гардид.
Дар чорабинӣ муовини якуми Раиси ноҳия ва намояндагони дастгоҳи раиси ноҳия иштирок доштанд.
Дар оғози чорабинӣ муовини якуми Раиси ноҳия суханронӣ карда кормандони соҳаро бо ин рӯзи таърихӣ таҳният намуданд. Ҳамчунин муовини якуми Раиси ноҳия табрикоти Мақомоти иҷроияи ҳокимияти давлатии ноҳияи Рушонро ба ҳозирин расонида, аз комёбию дастовардхои назарраси соҳа ҳарф зад.
Қайд карда шуд, ки нишони эътибори аҳли ҷомеа ба онҳоест, ки шабу рӯз баҳри ҳифзи саломатии мардум заҳмат мекашанд.
Аз ин хотир тазаккур бояд дод, ки давлату ҳукумат ҳамеша ба рушди соҳаи нигаҳдории тандурустӣ ва таъмини шароити моддиву маънавии коркунони тиб назари неку ояндабинона дорад.
Муовини якуми Раиси ноҳия дар вазъияти тантанавӣ ба як қатор кормандони соҳаи тиб ва собиқадорони соҳа сипоснома ва тӯҳфаҳои хотиравӣ тақдим намуд.
Сипас кормандони соҳаи фарҳанг ва тандурустӣ бо қироату сурудҳои хеш хотири ҷамъомадагонро болида гардониданд.
Шуъбаи рушди иҷтимоӣ ва робита бо ҷомеаи дастгоҳи раиси ноҳия.