Рушон, як  гӯшаи зебою обод ва дорои таърихи бою рангини Точикистони азизамон мебоша  кайҳост, ки маълуму машхур гаштааст.  Ободкорихои солхои охирро сокинони равшандилу равшанзамир хеле хуб кабул кардаву итминону умед бар он доранд, ки ҳамарӯза ташаббусҳои навини созандагӣ ва бунёдкорӣ дар ин диёри зебоманзар рӯи кор хоҳанд омад.

    Ободкориву созандагии нохияро дида, ифтихор мекунем, ки махз бо шарофати Истиклолияти давлатӣ, вахдати комил ва бо талошхои шабонарӯзии Асосгузори сулху вахдати мили-Пешвои миллат , Президенти Чумҳурии Тоҷикистон мухтарам Эмомали Рахмон нохияи Рушон  симои хешро ба  куллӣ дигар намуда, рӯз то рӯз ба таври афсонавӣ ободу зебову гулистон мешавад.

     Имрӯз силсилаи ободкориҳо, аз ҷумла, чароғон шудани роҳи мошингарди маркази ноҳия, асфалтпӯш гардидани роҳҳо, сохтмони як қатор биноҳои маъмурию маишӣ, таъмиру сохтмони муассисаҳои таълимӣ, зебову хуррамгардонии маҳаллаҳо ва дигар иқдомҳои бунёдкорӣ аз маҳорати баланди ташкилотчигию роҳбарии раиси ноҳия ва МИҲД-и ноҳия гувоҳӣ медиҳад.

    Эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» аз тарафи Пешвои миллат як имкониятест барои ободию зебоӣ, рушду нумуи деҳот ва ба шаҳрак табдил додани онҳо. Рӯи ин мақсад корҳои ободонию созандагӣ бо маром идома ёфтаистодааст.         

    Толеи баланди мо, сокинони ноҳия буд, ки бо пешниҳоди Роҳбари давлат  ба муносибати сазовор пешвоз гирифтани  30-солагии Истиқлолияти давлатӣ баҳри ба роҳ мондани корҳои созандагиву бунёдкорӣ  Вазири Вазорати нақлиёти ҷумҳурӣ муҳтарам Худоёрзода Худоёр ба ноҳияи Рушон вобаст гардидааст, ки он кас бо таҷрибаю кордонияшон дар  ҳамбастагӣ бо сокинони ноҳия диёрамонронро ба як макони зебову дилфиреб табдил хоҳад дод.

     Нохияи Рушон ки дар шоҳроҳи байналмилалӣ қарор дорад ҳамарӯза меҳмонони зиёди дохилию хориҷӣ аз он дидан менамоянд, аҳсану офарин ба роҳбарияти ноҳия ва мардуми соҳибфарҳангу зебопарсташ мегӯянд.

     Заҳматкашони ноҳия бо дили гарму рӯҳи болида аз  паи  зиндагии осоишта ва ободонии диёру ватананд. Ҳамаи ин ободкориҳо  самараи ваҳдату ягонагии аҳли ҷомеа мебошад.

     Акнун вақти он расидаст, ки мо ҳама сар аз як гиребон бароварда, дасти ҳам гирифта, иқдомҳои бунёдкорию ободкунии ҳукуматро дастгирӣ намоем ва  ҳиссагузори ҳама корҳои шоистаю амалҳои хайр бошем. Ба қадру қимати сулҳу дӯстӣ, истиқлолияти давлатӣ , ободкориву бунёдкорӣ бирасем, ноҳия ва кишварамонро боз ҳам ободу шукуфон гардонем.

Саидхонова Х Раиси КИ ҲХДТ дар ноҳияи Рушон