Бо мақсади ташвиқу тарғиби тарзи ҳаёти солим, мустаҳкам намудани дустиву ваҳдат байни наврасону ҷавонон ва баланд бардоштани маҳорати касбии варзишгарон, байни наврасону ҷавонони дурдасттарин ҷамоати ноҳияи Рушон – ҷамоати деҳоти Савноб мусобиқаи варзишӣ аз намуди волейбол доир гардид.

Мусобиқа давоми ду рӯз аз таърихи 13 то 14 июли соли равон байни 9 дастаи ҷамоат – дастаҳои Рошорв, Япшорв, Нисур, Барчидиф, Савноб, Рухч, Пасор, Бопасор ва Ғудара баҳри ба даст овардани мақомҳои ифтихорӣ дар деҳаи Бопасор ташкил ва баргузор гардид. Дастаҳо байни ҳам рақобати шадиду тамомшобоб нишон дода, дар нимаи дуюми рӯзи 14 июл дастаҳои Япшорв ва Пасор барои ба даст овардани ғолибият ба даври ниҳоӣ роҳхат гирифтанд.

Дар даври ниҳоӣ варзишгарони ҳар ду даста аз худ маҳорати баланди варзишӣ нишон дода, мувофиқи нишондодҳои охир, дастаи Пасор – дастаи Япшорвро бо ҳисоби 3-2 мағлуб намуда ғолиби мусобиқа гардид. Мақоми сеюми мусобиқа бошад насиби варзишгарони дастаи Рошорв гардид.

Дастаи ғолиб ва ҷоизадорони мусобиқа бо мукофоти пулӣ қадрдонӣ гардиданд.