Дар толори мақомоти иҷроияи ҳокимияти давлатии ноҳия семинар машварат бо роҳбарони идораву муассиаҳо ва фаъолони ноҳия доир гардид. Мавзуи асосии машварат ба ҳуқуқи кӯдак ва ҳуқуқи инсон бахшида шуда, Содиқов Аҳмад Мӯсоевич ва дигар масъулони ваколатдор оид ба ҳуқуқи кӯдак дар Ҷумҳурии Тоҷикистона мавзуро баррасӣ намуданд.
Семинар-машваратро муовини раиси ноҳия Зарина Абдулмаинова ифтитоҳ намуда, Аҳмад Содиқов роҷеъ ба паҳлуҳои гуногуни мавзуи номбаргардида сухан кард. Дар рафти суҳбат изҳор дошт, ки аҳли ҷомеа бояд дар ҳар сурат аз ҳуқуқу уҳдадориҳои худ огоҳ бошанд ва аз қонуну қойдаҳои амалкунандаи Ҷумҳурии Тоҷикистон, ки ҳуқуқу озодиҳои онҳоро кафолат медиҳад хуб истифода баранд.
Инчунин, роҷеъ ба ҳуқуқи маъюбон ва муҳоҷирони меҳнатӣ низ суҳбат намуда, аз аҳли нишаст даъват ба амал овард, ки барои бартараф кардани масалаҳои норавшан дар ин самти ба таълиму тарбия фаро гирифтани маъюбон ва фароҳам овардани шароит барои онҳо дар байни аҳли ҷоме бояд корҳои фаҳмондадӣ бештар ба роҳ монда шаванд. Дар фарҷом аҳли нишаст ба саволҳои пешниҳодкарда аз масъулин посухҳои дилхоҳ гирифтанд.
Сарадбегим Дустова