МУБОРИЗА БО САВДОИ ОДАМОН -ВАЗИФАИ МУҲИМИ ҶОМЕАДар толори мақомоти иҷроияи ҳокимияти давлатии ноҳия ҷаласаи Комиссияи байниидоравӣ оид ба муқовимат бо савдои одамон баргузор гардид. Дар чорабинӣ намояндагони сохторҳои қудратӣ, мақомоти ҳифзи ҳуқуқ, ташкилоту идораҳо, инчунин фаъолони ҷомеаи шаҳрвандӣ иштирок намуданд.Ҷаласаро раиси ноҳия Рушон муҳтарам Аҳмадзода Илҳом Шамол ифтитоҳ намуда, қайд кард, ки мубориза бо савдои одамон яке аз самтҳои афзалиятноки сиёсати давлатӣ буда, ҳамкории зичи тамоми сохторҳоро талаб менамояд. Таъкид гардид, ки пешгирии ин зуҳуроти номатлуб, баланд бардоштани маърифати ҳуқуқии аҳолӣ ва ҳифзи ҳуқуқу озодиҳои шаҳрвандон аз вазифаҳои асосии комиссия маҳсуб меёбад.Инчунини дигар аз рӯи масъалаи мазкур прокурори ноҳияи Рӯшон мушовири адлияи дараҷаи якум Иброҳимзода Нозирҷон, муовини якуми сардори Шуъбаи Вазорати корҳои дохилӣ дар ноҳияи Рушон Абдуллозода Собир, сардори Шуъбаи КДАМ дар ноҳия Рӯшон Ғоибов Парвиз, раиси Суди ноҳияи Рушон Баҳридинзода Ҳилол ва корманди Раёсати Вазорати корҳои дохилӣ Чоршанбев Далер сухан ронда оид ба вазъи кунунӣ, тадбирҳои андешидашуда ва нақшаҳои минбаъда дар самти муқовимат бо савдои одамон маълумот пешниҳод намуданд. Ҳамзамон, масъалаҳои таҳкими ҳамкории байниидоравӣ, вусъат бахшидани корҳои фаҳмондадиҳӣ миёни аҳолӣ ва дастгирии қурбониёни савдои одамон мавриди баррасӣ қарор гирифтанд.Дар фарҷоми ҷаласа ба масъулин ҷиҳати тақвияти фаъолияти пешгирикунанда, баргузор намудани корҳои иттилоотию маърифатӣ ва иҷрои саривақтии нақшаи чорабиниҳо супоришҳои мушаххас дода шуда, ба иштирокчиён варақаҳои иттилоотӣ тақсим карда шуд.