Имрӯзҳо деҳаи Дерушон яке аз зеботарин мавзеъ дар ноҳияи Рушон буда, бо мардумони меҳнатдусту заҳматқарини худ ифтихор дорад. Пайваста бо фаъолони деҳа байни сокинони он доир ба корҳои ободонию кабудизоркунӣ, ҳамдилию иттиҳод, таҳкими сулҳу Ваҳдати миллӣ суҳбату вохуриҳои судманд гузаронида мешавад.

Дар таърихи 5.04.2020 бо роҳбарии баъзе аз фаъолони деҳа Давроншоев Раззоқ,  Зоҳирбеков Гулзамон, Мавлоназаров Имомназар ва раисони ҳар маҳал бо иштироки зиёда аз 200 нафар сокинони ин диёр, бахусус ҷавонони ғаюру Ватан бахшида ба сазовор пешвоз гирифтани ҷашни 30 солагии Истиқлолияти давлатии Ҷумҳурии Тоҷикистон ҳашари дастҷамъона барои бо оби тоза таъмин намудани аҳолии деҳа дар мавзеи дараи Дарбанд гузаронида шуд.

Инчунин дар даъвати баҳорӣ ҷавонони меҳнатпарасти деҳа барои ҳимояи марзу буми Ватани ҷоноҷонамон ихтиёран 5 нафар ба хизмати Модар-Ватан рафтанд. Барои ин ҷавонони саодатманди Ватан ва барои волидонашон изҳори миннатдорӣ баён менамоям. Бигзор сафи чунин родмардони меҳан ва ватандустони ғаюру шуҷоъ зиёдтар шаванд ва барои дигарон намунаи ибрат гарданд.

Вакили мардумӣ Чоршанбиева Лайло сокини деҳаи Дерушон