Санаи 12 майи соли равон, бо ибтикори бахши кор бо ҷавонон ва варзиши ноҳияи Рушон бо мақсади дар сатҳи баланд таҷлил намудани “Рӯзи ҷавонони Тоҷикистон – 23 май” ҳамаруза дар ноҳияи Рушон чорабиниҳои гуногуни варзишӣ бо ҷалби табақаҳои гуногуни ҷомеа баргузор гардида истодаанд. Дар идомаи ин тадбир, дар асоси нақша чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон – Фестивали бозиҳои футбол, волейбол ва баскетбол дар ноҳия доир гардид.
Бозиҳои варзишӣ дар варзишгоҳ ва майдончаҳои гуногуни деҳаҳои ноҳия доир гардида, ин иқдом боз ҳам дустиву ваҳдатро байни ҷавонону наврасон мустаҳкамтар менамояд. Бозиҳои варзишӣ аз намуди футбол байни дастаҳои наврасони ноҳия дар варзишгоҳи Дерушон, аз намуди волейбол байни дастаҳои ҷавонони ноҳия дар майдончаи варзишии боғи фарҳангии ноҳия ва аз намуди баскетбол байни наврасон ва ҷавонон дар толори варзишии мактаб интернати ҷумҳуриявӣ дар ноҳияи Рушон ташкил ва баргузор гардиданд.