4-уми октябр вохӯрӣ бо афсарону сарбозони Комендатураи ҳарбии ноҳия доир гардид. Дар ин вохӯрӣ сардори шуъбаи Кумитаи давлатии амнияти миллии ноҳия Чуянов Самариддин, раиси собиқадорони ҷангу меҳнат Замонов Меҳриддин, адиб ва рӯзноманигор Бахтиёров Маҳмадалӣ , раиси КИ ҲХДТ дар ноҳия Саидхонова Холисамо ҳузур доштанд.
Ҳамаи онҳо афсарону сарбозонро бо Рузи забони давлатӣ табрику таҳният гуфта, барояшон аз таърихи қадима ва бою ғании забони тоҷикӣ , гиромӣ доштани он ҳарф зада, барои хубтару беҳтар омӯхтани он ҳидоят намуданд. Дар суханронии ҳамаи воизон ифтихор аз забони давлатӣ , посдориву гиромидошти ин муқадассоти миллӣ садо дод. Ҳамагон таъкид доштанд, ки забон нишони миллат аст, муҳимтарин рукни давлатдорӣ аст, аз ин рӯ ҳар як шахси солимфикрро мебояд баҳри ҳифзи он, баҳри пок нигоҳ доштани он саҳмгузор бошад, зеро дар арсаи ҷаҳон моро маҳз тавассути забонамон мешиносанду эътироф мекунанд. Ҳамчунин дар рафти сӯҳбат аз вазъияти бисёр мураккаби ҷаҳони имруза низ сухан рафта сарбозонро ҳушдор доданд, ки зиракии сиёсиро аз даст надода, дар ҳама ҳолат манфиатҳои ватану давлатро аз ҳама боло донанд.