Дастаи бонувони деҳаи Басид ғолиби мусобиқаи кушоди ноҳияи Рушон аз намуди волейбол гардиданд
Бо ибтикори бахши кор бо ҷавонон ва варзиши ноҳияи Рушон бо мақсади ташвиқу тарғиби тарзи ҳаёти солим, мустаҳкам намудани дустиву ваҳдат байни наврасону ҷавонон ва дар сатҳи баланд таҷлил намудани “Рӯзи модарон” дар ноҳияи Рушон мусобиқаи кушоди ноҳиявӣ аз намуди волейбол байни бонувони то синни 18 сола дар толори варзишии мактаб интернати ҷумҳуриявии ноҳияи Рушон ташкил ва баргузор гардид. Дар мусобиқаи мазкур иштироки дастаҳо ба тариқи зайл суръат гирифт:
• деҳаи Барушон – як даста
• деҳаи Вамар – ду даста (дастаи бонувони мактаб интернати ҷумҳуриявӣ ва ТҶ “Ҷуръат”)
• деҳаи Басид – ду даста
Рақобат миёни дастаҳо шадиду тамошобоб ҷараён гирифта, дастаи бонувони деҳаи Басид бар ҳамаи рақибони худ дастболо гардиданд. Дар даври ниҳоӣ дастаҳои бонувони ТҶ “Ҷуръат”-и деҳаи Вамар ва деҳаи Басид байни ҳам рақобат намуда, варзишгарони дастаи ТҶ “Ҷуръат” бо ҳисоби 3/0 ба бохт рӯ ба рӯ гардиданд. Ҳамин тавр дастаи бонувони деҳаи Басид ғолиби мусобиқа гардида, дастаи ғолиб ва ҷоизадорони мусобиқа бо ифтихорномаҳои Бахши кор бо ҷавонон ва варзиши ноҳияи Рушон қадр гардиданд.