26-уми октябр дар толори Мақомоти иҷроияи маҳалии ҳокимияти давлатии ноҳияи Рӯшон машварати корӣ бо иштироки
вазири нақлиёти Ҷумҳурии Тоҷикистон Худоёрзода Худоёр Завқибек баргузор гардид. Дар ин машварат роҳбарони идораву муассисаҳо, мудирони шуъбаҳо ва бахшҳо, раисони ҷамоатҳои деҳоти ноҳия ҳузур доштанд.
Дар рафти машварат вазир пеш аз ҳама дар бораи сиёсати хирадмандонаи сарвари давлат, сулҳу суботи кишвар, амонию осудагии мардум, ободкорию созандагӣ ва пешравиҳои замони истиқлол ҳарф зада, аз ҳар як фарди Рушонзамин талаб намуд, ки бояд масъулиятшинос бошанд, манфиати давлату ҳукуматро аз манфиати шахсӣ боло донанд. Аз он ҷумла таъкид намуд, ки барои сазовор пешвоз гирифтани 30-солагии Истиқлолияти давлатии Ҷумҳурии Тоҷикистон корҳои ободонӣ ва созандагиро вусъати бештар бахшидан лозим аст.
Қайд кард, ки ҷашни 28-умин солгарди истиқлолияти давлатӣ бо сафари кории Асосгузори сулҳу ваҳдати миллӣ, Пешвои миллат Эмомалӣ Раҳмон ба Вилояти Мухтори Кӯҳистони Бадахшон, аз он ҷумла ноҳияи Рӯшон дар назар аст. Аз ин ҷиҳат ба ин ҷашни бузурги таърихӣ аз имрӯз бояд мардуми Рӯшон омодагии ҷиддӣ бинанд. Ҳар чи бештар корҳои фаҳмондадиҳиро байни тамоми қишрҳои ҷомеа, аз ҷумла занону ҷавонон, фаъолону зиёиён ба роҳ монем.
Ҷавононро бояд дар рӯҳияи ватандӯстию хештаншиносӣ ва ободкорию созандагӣ тарбия намоем, зеро онҳо ояндаи ин сарзамину ин мулки биҳиштосои моанд.