Дар аввали моҳи декабри соли равон дар толори хурди мақомоти иҷроияи маҳаллии ҳокимияти давлатии ноҳия вохӯрии раиси ноҳия бо собиқадорони меҳнат доир гашт.
Раиси ноҳия Додхудоев Фаррух зикр намуд, ки роҳбарияти ноҳия ҳамеша таҷрибаи ибратомӯзи собиқадоронро дар тарбияи насли наврас самаранок истифода мебарад, зеро кору пайкори ин пирони рӯзгордида тимсоли ватандӯстӣ, фидокорӣ, меҳнатдӯстӣ ва дигар арзишҳои волои инсонӣ мебошад. Собиқадорон пайваста дар мадди назари мақомоти маҳаллии ҳокимияти давлатии ноҳия қарор дошта, аз дастгирию ғамхорӣ бархурдоранд.
Аз ҷониби собиқадорони меҳнат Баҳром Додхудоев, Саидулбӣ Шозодалайсов, Мирзонаботов Худобердӣ, Гулбегим Шакарбекова, Шириншо Шомансуров, Ҳокимшо Мирзошоев ва дигарон зимни суханрониашон ба роҳбарияти ноҳия ва кишвар изхори миннатдорӣ карда, таклифу пешниҳодоти хуберо оиди рушди минбаъдаи ноҳияи Рӯшон ба миён гузоштанд.
Раиси собиқадорони ҷангу меҳнат Меҳриддин Замонов вохӯриро ҷамъбаст намуда, ба раиси ноҳия изҳори сипос кард.