Бо иќдоми Кумитаи кор бо ҷавонон ва варзиши назди Ҳукумати Ҷумҳурии Тоҷикистон 19 декабри соли 2018 дар тамоми корхонаву муассисаҳои шаҳру навоҳии ҷумҳурӣ намоиши филми ҳуҷҷатии «Марди роҳ» баргузор гардид.
Бахши кор бо ҷавонон ва варзиши ноҳияи Рушон низ ин иќдомро дастгирӣ намуда, дар толори Ќасри фарҳанги ноҳия филми мустанади «Марди роҳ»-ро, ки аз ҷониби коргардони шинохтаи тоҷик Носир Саидов омода шудааст, ба маърази тамошои ҷавонони фаъоли ноҳия гузошт.
Филми ҳуҷҷатии «Марди роҳ» ба ҳаёт ва фаъолияти ибратбахши Пешвои миллат муҳтарам Эмомалӣ Раҳмон бахшида шуда, маќсад аз намоиши филми мазкур расидан ба ќадри Истиќлолияти давлатӣ, ваҳдати миллӣ ва ҳифзу гиромидошти арзишҳои бузурги даврони соҳибистиќлолӣ мебошад.
Намоиши дастаҷамъонаи филми мазкур дар ноҳияи Рушон бо ҷалби намояндагони аҳли зиё ва доираи васеи ҷавонон баргузор гардид.