Таҳти ҳамин мавзуъ таърихи 16 апрели соли равон бахшида ба Рӯзи пойтахт шаҳри Душанбе бо ибтикори КИ ҲХДТ дар ноҳияи Рушон дар ҳамкорӣ бо МИҲД-и ноҳия дар толори мактаб-интернати ҷумҳуриявӣ Конфренсияи илмӣ-амалӣ баргузор гардид.       Пеш аз оғози чорабинии илмӣ дар пештоқи мактаб-интернати ҷумҳуриявӣ дастовардҳои тарбиятгирандагони мактаб-интернат ва МЭКН, ҳунарҳои мардумӣ, гушаи китоб ва гушаи гулҳои тару тоза ташкил карда шуда ба намоиш гузошта шуд. Баъдан видео ролик “Душанбе дируз ва имруз” пешкаши тамошобинон гардид. Қисми расмии чорабинӣ бо суруди дастҷамонаи “Душанбе биҳишти рӯи дунёӣ” оғоз гардид.      Чорабиниро муовини аввали раиси ноҳия Дустализода Гулмаст Давлаталӣ ифтитоҳ намуда, тамоми иштирокдорони чорабиниро бо ин рӯз табрику таҳният намуданд.     Дар кори Конфренсия 5 мавзуъ барраси гардиданд.Аз рӯи мавзуи “Таърихи таъсисёбии шаҳри Душанбе” баромад намуданд Муборакшоева Роила-омузгори фанни таърихи МТМУ #9, аз руи мавзуи “Дастовардҳои шаҳри Душанбе дар даврони Истиқлолият” баромад намуд Мамаднабиев Мамаднабӣ- мудири бахши муҳоҷират, аз руи мавзуи  “Шаҳри бузургу роҳбари ҷавон” баромад намуд Исмоилов Азим- омузгори ҷавони МТМУ#6, аз руи мавзуи “Аҷаб шаҳри дилори Душанбе” баромад намуд Абдураҳмонова Оина мутахассиси бахши кор бо занон ва оила ва аз руи мавзуи “Душанбе наш родной город” баромад кард  Саидҷонова Чамангул -хонандаи синфи 7 МТМУ#9 узви Академияи хурд.    Пас аз ҷамъбасти маърузаҳо адибони наврасу навқалами МТМУ#9 шеърҳои тозаэъҷодашонро ба иштирокдорон дар ин руз ҳамчун армуғон ҳадя намуданд. Дар фарҷоми чорабинӣ гулдухтарои мактаб-интернат бо рақси ҷаззобу зебои худ хотири иштирокдоронро болида гардонданд.