Бо ибтикори бахши кор бо ҷавонон ва варзиши ноҳияи Рушон, маъмурияти меҳмонхонаи «Шайдо» воќеъ дар маркази ноҳия ва Маќомоти иҷроияи маҳалии ҳокимияти давлатии ноҳия дар чаҳорчубаи лоиҳаи иноватсионӣ барои мутахассисони забони англисӣ курси ройгон кушода шуд.

Мутахассисон тавассути озмун (мусоҳибаи озод) ќабул гардида, аз маводҳо ва усулҳои Донишгоҳҳои Кембриҷ ва Оксфорд истифода менамоянд. Айни замон шумораи  забономӯзонро  17 нафар ташкил дода, муаллим Давлатмамадов Ҳамдам, ки донандаи хуби забони англисӣ аст ва дар Донишгоҳи давлатии Хоруғ ва шаҳрҳои Маскаву Дубай таҳсил кардааст,  ба донишомӯзон дарс мегӯяд. 

Машғулиятҳо аз руи тартиби зайл гузаронда мешаванд:

Рузи сешанбе – 2 соат (аз 16-00 то 18-00)

Рузи панҷшанбе – 2 соат (аз 16-00 то 18-00)

Рузи шанбе – 1 соат (аз 16-00 то 17-00)

Мавриди зикр аст, ки ҳамаи машғулиятҳо дар ошёнаи 3-юми меҳмонхонаи «Шайдо» дар маркази омӯзишии махсусгардонидашуда, ки бо таҷҳизоти ҳозиразамон таъмин шудааст, гузаронида мешаванд. Дар ду ҳафта як маротиба мутахассисони забони англисӣ аз шаҳрҳои Лондон, Ню-Йорк ва Чикаго бо шунавандагон тавассути шабакаи интернет, видео-дарс дар тамос хоҳанд шуд.

Ба диќќати хоҳишмандони забони англисӣ расонда мешавад, ки баъди Соли нави мелодӣ боз курси дигар низ кушода мешавад, танҳо тавассути озмун – мусоҳибаи озод онҳо метавонанд шомили ин курси омӯзишӣ гарданд.