Бахши кор бо ҷавонон ва варзиши ноҳияи Рушон бо мақсади ҷалби бештари ҷавонони ихтиёрӣ ба хизмати ҳарбӣ, тарбияи насли наврас дар руҳияи ватандустиву ватанпарастӣ ба муносибати 26-солагии таъсисёбии Қувваҳои мусаллаҳи Ҷумҳурии Тоҷикистон мизи мудаввар дар мавзуи «Хизмати ҳарбӣ-қарзи шаҳрвандии мост» дар толори филиали Муассисаи давлатии «Литсейи касбии махсуси маъюбон» дар ноҳияи Рушон баргузор намуд. Вохурии мазкур бо ҷалби ҷавонони синни даъватӣ ва хонандагони синфҳои болоӣ доир гардид. Дар баробари мутахассисони бахши кор бо ҷавонон ва варзиши ноҳия, инчунин комиссари ҳарбии ноҳия, сардори ШВКД-и ноҳия ва намоянда аз дастгоҳи Мақомоти иҷроияи маҳаллии ҳокимияти давлатии ноҳия иштирок намуда, дар бораи нигоҳ доштани марзу буми ватан аз ашхоси бегона ва ҷалби ҷавонон ба хизмати ҳарбӣ суҳбат намуданд.