Таърихи 10 июли соли равон дар шаҳри Хоруғи ВМКБ ҷаласаи сайёри Шӯрои ҷамъиятии Ҷумҳурии Тоҷикистон дар шакли мизи мудавар баргузор гардид. Дар чорабинӣ аъзоёни Шӯро, ташкилотҳои ҷамъиятӣ, намояндагони дин, занон, ҷавонон, мақомотҳои ҳифзи ҳуқуқ ва ВАО иштирок намуданд.

     Дар кори ҷаласа як масъалаи бисёр муҳим ва мубрами рӯз  гузошта шуд.

Риояи қонуния, таъмини волоияти қонун, тартиботи ҷамъиятӣ ва баланд бардоштани сатҳи маърифатнокии ҳуқуқии шаҳрвандон.

    Чорабиниро муовини якуми Раиси вилоят Мирзонаботов Алишер ҳусни оғоз бахшида аз номи Раиси вилоят ва тамоми сокинони вилоят меҳмононро ба вилоят хайру мақдам намуда онҳоро ба аҳли иштирокдорон муарифи намуданд.

     Аз рӯи масъала намояндагоне, ки аз маркази ҷумҳурӣ иштирок намуданд суханронӣ намуда, пешниҳоду дархосте, ки аз тарафи иштирокдорон баррасӣ гардиданд ба котиби ҳамоҳангсози Шӯрои ҷамъиятии Ҷумҳурии Тоҷикистон  ба таврӣ шифои ва хатӣ пешниҳод карда шуданд.

     Инчунин, пешниҳоди Раиси ноҳия муҳтарам Додхудоев Фаррух оиди рушди саноати куҳӣ ва амалӣ намудани ҳадафи чоруми ҷумҳурӣ ба инобат гирифта шуда, ба Раиси Шӯро Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон пешниҳод мегардад.

     Аламшозода Раҳмон Генерал милитсия, роҳбари ситоди байни идорави оид ба таъмини тартиботи ҷамъиятӣ дар вилоят ба сухан баромада, қайд намуд, ки дар вилоят баъди таъсиси ин ситод вазъият муътадил гардида, сатҳи ҷинояткорӣ кам шуда истодааст. Факту рақамҳое, ки аз тарафи роҳбари ситод ифшо гардиданд бисёр нигаронкунанда буданд. Аз ин сабаб аз аҳли толор даъват ба амал овард, ки дар ин самт бетарафи зоҳир накунанд дар таълиму тарбияи насли наврас ва ҷавон саҳмгузор бошанд. Баҳри ободу зебо гардондани вилоят ва кишварамон шабонарӯз кор кунанд.