Марафони велосипедронӣ ва дави наврӯзӣ бахшида ба таҷлили иди байналмилалии “Наврӯз”, дар ноҳияи Рушон
Санаи 14 марти соли 2020 дар асоси мактуби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Раёсати кор бо ҷавонон ва варзиши ВМКБ чорабинии оммавӣ – варзишии марафони велосипедронӣ ва дави наврӯзӣ бахшида ба таҷлили иди байналмилалии “Наврӯз”, дар ноҳияи Рушон баргузор гардид. Чорабиниро Раиси ноҳия – Додхудо Фаррух Муборакшо бо суханҳои табрикотӣ ифтитоҳ намуда, оид ба манфиатҳои варзиш ба солимии рӯҳу тан, оммавигардонии варзиш, рушди инкишофи тарбияи ҷисмонӣ, бунёди толору майдончаҳои варзишӣ дар ноҳия баромад намуданд. Дар чорабинии оммавӣ-варзишии марафони велосипедронӣ ва дави наврӯзӣ кормандони бахши кор бо ҷавонон ва варзиши ноҳия, мактаби варзишӣ, кормандони мақомоти иҷроияи ҳокимияти давлатии ноҳия, соҳаи маориф, тандурустӣ, фарҳанг, мақомоти ҳифзи ҳуқуқ, нозироти андози ноҳия, Раёсати молия, Раёсати кишоварзӣ, МНДСЭ- и ноҳия ва дигар шӯъбаю бахшҳо, ташкилоту идораҳои ҳудуди ноҳия, томактабӣ, омӯзгорон ва хонандагони синфҳои болоии муассисаҳои таълимии ноҳия иштирок намуданд. Дар марафони велосипедронӣ ва дави наврӯзӣ зиёда аз 700 нафар, аз онҳо 250 нафар бонувон иштирок карданд. Масофаи сабқат байни иштирокдорон ба тариқи зайл суръат гирифт:
– бонувони аз 40 сола боло – 100 метр
– бонувони то 40 сола – 300 метр
– мардони аз 50 сола боло – 300 метр
– мардони аз 40 то 50 сола – 500 метр
– ҷавонони то синни 40 сола – 2000 метр
Ғолибони марафони велосипедронӣ ва дави Наврузӣ бо Диплом қадрдонӣ карда шуда, дар рузи ҷашни иди байналмилалии “Навруз” бо туҳфаҳои хотиравӣ қадрдонӣ мешаванд.
Бахши кор бо ҷавонон ва варзиши ноҳияи Рушон!