Вохӯрӣ бо вакили мардумӣ
Дар толори маҷлисии мақомтои иҷроияи маҳаллии ҳокимияти давлатии ноҳия вохӯрии вакили Маҷлиси намояндагони Маҷлиси Олии Ҷумҳурии Тоҷикистон Қодири Қосим бо сардорони идораву муассисаҳо, фаъолони ноҳия доир гашт.
Узви Маҷлиси миллии Маҷлиси Олии Ҷумҳурии Тоҷикистон, раиси ноҳияи Рӯшон Додхудо Фаррух Муборакшо дар оғози вохӯрӣ вакили Маҷлиси намояндагони Маҷлиси Олӣ Қодири Қосимро ба ноҳия хайра мақдам гуфта, суханро ба меҳмони олиқадр дод.
Қодири Қосим дар баромадаш аз якпорчагии Тоҷикистон, сулҳу ваҳдат, мушкилоти солҳои аввали ба даст овардани истиқлолияти давлатӣ, равандҳои минбаъдаи инкишофи Тоҷикистон, саҳму талошҳои Пешвои муаззами миллат, Президенти кишвар муҳтарам Эмомалӣ Раҳмонро дар барқарории сулҳи тоҷикон ва созандиагиҳо, ояндаи кишвар ҳарф зада, минҷумла ба рушду такомули Бадахшон батафсил суханронӣ кард.
Сипас Мирзозода Низом Юсуфӣ муовини аввали раиси ВМКБ ба сухан баромад. Мавсуф қадами мубораки Қодир Қосимро ба Бадахшон хайра мақдам гуфт ва аз боби чаҳор барномаи стратегии кишвар, ки мамалакатро ба тараққӣ оварда расониданд, ҳарф зад. Пешравиҳои имрӯзаи мо, гуфт дар баромадаш Мирзозода, боис гардиданд, ки Тоҷикистонро дар арсаи ҷаҳонӣ бишносанд ва Пешвои муаззами миллат ба сифати роҳбару намояндаи халқи тоҷик дар сатҳи ҷаҳонӣ обрӯву эътибори хосаро касб кард.
Собиқ раиси ноҳияи Рӯшон Қобиламоҳ Ғуломшоева миннатдории самимии хешро ба Қодири Қосим, собиқ раиси ВМКБ баён сохта, нақши ӯро дар рушду такомули вилоят як˗ як зикр намуд.
Мудири шуъбаи маорифи ноҳия Арамбегим Ҷаъфариева дар баромадаш нахуст Қодири Қосимро хушбош гуфта, таклиф намуд, ки барои сохтмони кӯдакистони деҳаи Дуррӯшон ба кӯмакаш ниёзманданд.
Шейхбуров Комрон аз номи ҷавонони ноҳия вакили Маҷлиси намояндагони Маҷлиси Олии Ҷумҳурии Тоҷикистонро бовар кунонд, ки ҷавонони ноҳия пайгири сиёсати Пешвои миллатанд ва дар ободкориву созандагии ноҳия саҳми арзандаи худро хоҳанд гузошт.
Дар фарҷоми вохӯрӣ раиси ноҳияи Рӯшон ба Қодири Қосим изҳори сипос намуд.