26.10.2022

Дар толори маҷлисии мақомоти иҷроияи ҳокимияти давлатии ноҳия маҷлиси Шӯрои миллии кор бо ҷавонони назди ҳукумати ноҳия доир гашт. Дар маҷлис ҷавонони макотиби, идораву муассисаҳо ноҳия, фаъолон ширкат намуданд.
Шӯро масъалаҳои:

1. Фаъолияти Шӯрои миллии кор бо ҷавонони назди ҳукумати ноҳия дар 9 моҳи соли ҷорӣ
2. Тақвият бахшидан ба корҳои идеологии ноҳия
3. Ҳисоботи Шӯрои ҳамоҳангсозии пешгирии маводи нашъаовари назди ҳукумати ноҳияро мавриди муҳокима қарор дод.
   Шӯроро муовини раиси ноҳияи Рӯшон Лайло Чоршанбезода кушод. Аз рӯйи масъалаи якум мудири бахши кор бо ҷавонон ва варзиши ноҳия Зуҳро Ғуломшоева баромад кард. Мавсуф аз кори нуҳмоҳаи бахш ҳисоботи мукаммал дод ва роҳҳои ҳалли мушкилоти бахшро батафсил иброз намуд.
   Дар муҳокимаи масъала ваколатдори ШВКД ноҳия Х.Муллоҷонов ширкат кард.
   Дар масъалаи пешгирии маводи наъаовар ва оқибати зарари он директори маркази ВНМО Худоназар Мардонаев баромад кард ва ҷавононро ба он даъват намуд, ки аз сироятшавии ба ВНМО эҳтиёт бошад ва роҳҳои ба ин марказ сироят ёфтанро батафсил гуфта гузашт.
   Баъдан муовини раиси КДАМ дар ноҳия Абдураззоқ Зуҳуров сухан карда, зикр сохт, ки маводи нашъаовар бар зарари миллат аст. Ноҳияи Рӯшон тӯли 112 километр бо Давлати Исломии Афғонистон ҳамсарҳад аст ва интиқоли маводи наъшаовар ногузир аст. Аз ин хотир таъкид дошт, ки ҷавонони ноҳия бояд аз ин вабои аср худро эмин нигоҳ доранд.
   Намояндаи прокуратураи ноҳия Ҷамолиддинзода Зафар оиди ҳуқуқвайронкунӣ ва оқибатҳои он ҳарф зад. Ҳамзамон сарвари собиқадорони ҷангу меҳнати ноҳия Меҳриддин Замонов суханашро тақвият дода, ҷавононро ба хештаншиносӣ, зиракии сиёсӣ ва ватандӯстӣ ҳидоят намуд.
   Намояндаи Ҳизби Халқӣ Демократии Тоҷикистон дар ноҳияи Рӯшон Холиса Саидхонова ҳам ҷавононро ба кори нек рафтори нек ва кирдори нек ҳидоят намуд ва аз саҳми Пешвои миллат, Президени кишвар муҳтарам Эмомалӣ Раҳмон дар тарбияи идеявии ҷавонон ҳарф зад.
   Дар фарҷоми ҷамъомад муовини раиси ноҳияи Рӯшон Лайло Чоршанбезода сухан карда, таъкид дошт, ки ҷавонони мо бояд сиёсатан зирак бошанд ва ба тарғиботи душманони миллат дода нашаванд. Бояд тавассути ақли расо рафтор намуда, якпорчагии Тоҷикистонро ҳифз намоянд ва пайравони Пешвои миллат шуда, дар корҳои созандагиву ободкориҳо сидқан ширкат варзанд.