25 январи соли равон даври ноҳиявии  Фестивали «Чакомаи гесў» бо ибтикори бахши кор бо занон ва оилаи мақомоти иҷроияи ҳокимияти давлатии ноҳия  дар Қасри фарҳанг баргузор гардид.

Чорабинӣ бо оҳанги мавзуни суннатӣ оғоз гардида,  дар он гулдухтарони қадрас, занони зебочеҳра ва наврасони хушқаду қомат иштирок карданд.  Таҳти замзамаи суруди суннатии   «Обак  андозам, гулобак андозам»  занон ороиши арўсро манзури тамошобинон гардониданд.

Сипас, намоиши гесў, ки бахши дигари озмун ба ҳисоб мерафт,  аз ҷониби занон пешкаш гардид.  Духтарони зебочеҳраи Чамоатҳои ноҳия, ороиши мўйро бо либосҳои замонавӣ нишон доданд.