Кӯмаки навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ҳамчун тӯҳфа бо мақсади дастгирии табибону беморони гирифтори КОВИД-19 ҷудо гардида буд, таърихи 17 майи соли равон, 5 мошини боркаши калонҳаҷм бо маводҳои ниёзи аввалия (картошка; сабзӣ, пиёз, орд, макарон, шакар, гречка, намак, томат, преловка, равған, горох, чечевис, шири хушк, манная крупа, хамиртуруш) ва доруворию маводҳои тиббӣ ба ноҳия ворид гардид. Бо Амри раиси ноҳия аз 18 майи соли 2020 #37, бо мақсади шаффоф, одилона ва мақсаднок тақсим намудани кӯмаки Пешвои миллат, ки сирф барои кормандони соҳаи тандурустӣ ва маризони гирифтори бемории сироятии Ковид-19 равона шудааст, Комиссияи ноҳиявӣ таъсис дода шуда, дар навбати аввал табобатхонаи марказӣ, табобатхонаҳои минтақавии (Бартанг, Басид,Савноб) ва кормандони соҳаи тиб, ки бевосита ба табобати беморони сироятёфта сару кор доранд расонида мешавад. Табибон аз ин дастгирии Пешвои миллат рӯҳбаланд гардида, изҳори сипоси беандозашонро баён намуданд.