«Тоҷикистон – Ватани азизи ман»

        Бо  ташаббуси  мақомоти  иҷроияи ҳокимияти давлатии ноҳия бо мақсади  иҷрои силсилаи тадбирҳои  фестивал- намоиш ва  озмунҳои  анъана ва  ҳунарҳои   мардумӣ барои  солҳои 2019-2021 ва Амри Президенти Ҷумҳурии Тоҷикистон аз 16 ноябри соли 2018, №АП-1127 «Дар бораи баргузор намудани озмуни ҷумҳуриявӣ таҳти унвони «Тоҷикистон  – Ватани азизи ман»  дар  Қасри  фарҳанги  ноҳия баргузор  гардид.   

      Озмун  бо мақсади дарёфти  истеъдодҳои нав, баланд бардоштани мақому маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди мусиқӣ таъсис дода шудааст .

       Бо  мақсади  пурра  омода шудани  довталабон  ва  иҷро  шудани   талабот озмун  дар  чор давр: ҷамоатӣ, ноҳиявӣ,  вилоятӣ ва ҷумҳуривӣ  сурат  мегирад.

      Даври аввали озмун дар сатҳи ҷамоатҳои деҳот баргузор гардида, довталабони беҳтарин ба даври дуюм ноҳиявӣ роҳхат гирифтанд.

       Рӯзи 19  июни  соли ҷорӣ даври дуюми озмун яъне ноҳиявӣ дар сатҳи баланди сиёсиву фарҳангӣ  дар Қасри фарҳанги ноҳия баргузор гардида, баҳогузорӣ аз ҷониби ҳакамони вилоятӣ суръат  гирифт.

     Даври сеюми озмуни мазкур моҳи июли соли равон дар маркази вилоят шаҳри Хоруғ баргузор мегардад.