Ноҳияи Рӯшон бо табиати афсонавию нотакрор,  захираҳои фароғатӣ, мавҷудияти ёдгориҳои таърихию фарҳангӣ, хусусиятҳои этикӣ, чашмаҳои  софу зулол, қуллаҳои  баланд, дарёҳои куҳӣ, гиёҳҳои нодир ва ҷойҳои тамошобобаш диққати сайёҳони дохилию хориҷиро  ба худ ҷалб намуда, шумораашон сол то сол зиёд шуда истодааст.

Дар ноҳия 44 адад ёдгориҳои таърихию фарҳангӣ аз ҷумла, 7 қалъа, 18 ҷойҳои муқаддас, 5 остон, 5 чанор ва 3 арчаи ҳазорсола, 4 чашмаи шифобахш ва 2 мақбара, инчунин,  тӯпхонаҳо, кӯшкҳо, зиёда аз 200 навиштаҷоти рӯи санг, катибаҳо бо хати форсӣ ва асосан,  кӯли афсонавии Сарез, ки диққати ҷаҳонро ба худ ҷалб намудааст мавҷуданд.  Дар воқеъ адади ёдгориҳои таърихӣ дар ноҳия зиёд буда, нисфи зиёдашон дар ҳолати валангор қарор доранд. Дар се солаи рушди деҳот, сайёҳӣ ва ҳунарҳои мардум таъмиру тармимва обод  намудани  ин мазҳару манбаъҳои ҳувияту худшиносӣ барои масъулину маъмурин ва хоси ом  ҳам қарзасту ҳам фарз.

Кумитаи Иҷроияи Ҳизби Халқии Демократии Тоҷикистон дар ноҳияи Рӯшон бо мақсади арҷ гузоштан  ба иқдоми наҷибонаи Асосгузори сулҳу ваҳдати миллӣ,  Президенти Ҷумҳурии Тоҷикстон,  Раиси муазами  ҲХДТ муҳтарам Эмомали Раҳмон  дар бобати эълон намудани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» ба ободонию созандагӣ, ҳифзи ёдгориҳои таърихӣ, эҳтиром  аз таърихи хеш, ҷалби наврасон ба зебопарастию созандагӣ ва тарбияи онҳо дар рӯҳияи ватанпарастию хештаншиносӣ ҳамоиши ҳизбӣ таҳти шиори «Қувваи созанда» корҳои ободониро  ба таври ҳашар  дар ҳудуди ёдгории таърихӣ Қалъаи Вамар, ки дар маркази ноҳия ҷойгир аст, гузаронида шуд.  Дар ҳамоиш зиёда аз 300 нафар наврасону ҷавонон, инчунин, аъзоёни ҳизб иштирок намуда, ҳудуди қалъаро  аз сангу хор   тоза намуданд.