18-уми декабри соли 2018, дар «Рӯзи байналмилалии муҳоҷирон» бахши Хадамоти муҳоҷират дар ноҳияи Рушон дар ҳамкорӣ бо бахши кор бо ҷавонон ва варзиш дар ноҳия бо як гуруҳ ҷавонони маркази ноҳия ва ҷамоатҳои деҳот вохӯрӣ баргузор намуданд.
Вохӯрӣ ба мавзӯи «Равиши муҳоҷирати меҳнатӣ ва баланд бардоштани сатҳи огаҳӣ аз хатарҳои савдои одамон» бахшида шуда, вобаста ба масъалаҳои муҳоҷирати меҳнатӣ, тағйироту иловаҳо ва як ќатор ќонунҳои ќабул гардида дар соҳаи муҳоҷиратии Федератсияи Россия аз ҷониби масъулин ба муҳоҷирони меҳнатӣ, ки нияти сафар ба ин кишвар доранд, фаымонда дода шуд.
Дар вохурӣ мудири бахши Хадамоти муҳоҷират дар ноҳияи Рушон доир ба воридшавӣ ба ќаламрави Федератсияи Россия бо шиносномаи хориҷӣ, тартиби пур кардани корти муҳоҷиратӣ, тартиби гирифтани сертификат оид ба донистани забони русӣ, таърих ва асосҳои ќонунгузории Федератсияи Россия, гирифтани патент, муҳлати будубоши шаҳрвандони хориҷӣ дар ин кишвар, доштани касбу ҳунари ба талаботи бозори меҳнат ҷавобгӯ ва инчунин Ќонуни Ҷумҳурии Тоҷикистон «Дар бораи муќовимат ба савдои одамон ва расонидани кӯмак ба ќурбониёни савдои одамон», ки соли 2014 ба тасвиб расидааст, суҳбат кард.
Ба шаҳрвандон тавсия дода шуд, ки дар сурати пайдо шудани ягон мушкилӣ ва нофаҳмӣ дар самти муҳоьирати меҳнатӣ метавонанд ба Шуъбаи хадамоти муҳоҷират дар Вилояти Мухтори Кӯҳистони Бадахшон ва зерсохторҳои он дар шаҳру ноҳияҳои вилоят муроҷиат намоянд.