Таърихи 21 октябри соли ҷорӣ дар толори мактаб-интернати ҷумҳуриявии ноҳияи Рушон Конфренсияи    XV   ҲХДТ дар ноҳияи Рушон баргузор   гардид.    Ба  кори Конфренсия   аз ташкилотҳои ибтидоии ноҳия  90 нафар вакил  интихоб карда шуда, аксарияташон иштирок доштанд.

     Инчунин, дар кори Конфренсия муовини раиси ноҳия Абдулмаинова Заррина, вакилони Маҷлиси вакилони халқи вилоят, вакилони маҷлиси вакилони халқи ноҳияи Рушон, аъзои Кумитаи иҷроияи ҲХДТ дар ноҳияи Рушон, фаъолон, намояндагони васоити ахбори омма, меҳмонон аз сохторҳои давлатӣ  иштирок намуданд.

     Ба муҳокимаи Конфренсияи     XV ҲХДТ дар ноҳияи Рушон 5 масъала пешниҳод карда шуданд.

1. Ҳисоботи Раиси КИ ҲХДТ дар ноҳияи Рушон «Дар бораи фаъолияти КИ ҲХДТ дар ноҳияи Рушон дар давраи аз моҳи майи соли 2017 то моҳи октябри соли 2019» ;
2. Ҳисоботи Раиси Комиссияи тафтишотии Кумитаи иҷроияи ҲХДТ дар ноҳияи Рушон «Дар бораи фаъолияти молиявии КИ ҲХДТ дар ноҳияи Рушон дар давраи аз моҳи майи соли 2017 то моҳи октябри соли 2019»:
3. Интихоби ҳайати нави Кумитаи иҷроияи ҲХДТ дар ноҳияи Рушон.
4. Интихоби ҳайати нави Комиссияи тафтишотии ҲХДТ дар ноҳияи Рушон
5. Пешбарии номзадҳо ба вакилии Конфренсияи  XV  КИВ  ҲХДТ  дар шаҳри Хоруғ. 

           Пеш аз баргузории Конфренсия тибқи Нақша-чорабиниҳои КИ      ҲХДТ   дар ноҳияи Рушон    дар ташкилотҳои ибтидоии ҳизбӣ Маҷлисҳои ҳисоботӣ-интихоботӣ гузаронида шуда, аз ташкилотҳо ибтидоӣ номзадии вакилон ба Конфренсияи 15 КИ ҲХДТ дар ноҳияи Рушон пешбарӣ гардиданд.  Аз ин шумора руихати 15 нафар вакил аз ноҳияи Рушон ба Конфренсияи КИ ҲХДТ дар ВМКБ пешниҳод карда шуд.