Таърихи 13 марти соли ҷорӣ дартшаҳри Хоруғ иҷлосияи якуми даъвати шашуми Маҷлиси вакилони халқи ВМКБ бо баррасии 8 масъалаи асосӣ баргузор гардид. Дар кори иҷлосия вакилони навинтихоби Маҷлиси вакилони халқи ВМКБ ширкат варзиданд.        Иҷлосияи якуми даъвати шашуми Маҷлиси вакилони халқи ВМКБ бо садо додани суруди миллӣ ба кори худ оғоз кард. Иҷлосияро Раиси ВМКБ муҳтарам  Ёдгор Файзов раисӣ намуда, омд ба рӯзномаи кори иҷлосия маълумот дода, қайд карданд, ки интихоботи моҳи марти соли 2020-ум дар асоси Қонуни Конститутсионии Ҷумҳурии Тоҷикистон дар бораи интихоботи Маҷлиси намояндагон ва Маҷлисҳои маҳаллии вакилони халқ доир гардида, ба таври шаффоф ва демократӣ баргузор гардид. Ва қайд намуданд, ки дар 66 ҳавзаи интихоботи 127 нафар номзад ба вакилӣ пешбари гардида, 64 вакил аз шаҳру ноҳияҳои вилоят  курсии вакили соҳиб гардиданд, ки 22 нафари онҳоро занон ташкил медиҳанд. Дар ду ҳавзаи интихоботи Кулев #31 ва Шидз #14 интихоботи такрорӣ баргузор хоҳад шуд.     Баъди баррасии ҳамаи масъалаҳо раиси ВМКБ вакилони навинтихобшударо бо интихоб гардиданашон табрику таҳният намуда аз онҳо даъват ба амал овард, ки дар рушду нумуъ ва ободии вилоят фаъол буда, баҳри гул-гул шукуфоии Ватани азизамон саҳмгузор бошанд.       Бароям ифтихор аст, ки дар қатори дигар вакилон ман низ бо боварии интихобкунагдагон курсии вакилиро ишғол намудам ва кушиш ба харҷ медиҳам ки сазовори боварии мардум шуда, баҳри пешрафту ободонии Ватани ҷоноҷонамон тамоми қувваро ба кор мебарам.
Саидхонова Х. М вакил аз ҳавзаи интихоботии #17 Рушон