Бо мақсади иҷрои дастуру супоришҳои Асосгузори сулу ваҳдати миллӣ, Пешвои миллат муҳтарам Эмомалӣ Раҳмон, шиносоӣ бо вазъи соҳаҳои гуногуни хоҷагии халқ, расидагӣ ба мушкилоти мардум Раиси Вилояти Мухтори Кўҳистони Бадахшон Мирзонабот Алишер Худобердӣ ба водии Бартанги ноҳияи Рўшон сафари корӣ анҷом дод.
Сокинони ин макони овозадор раиси вилоят ва айҳати ҳамроҳонашонро бо як самимияти хос пешвоз гирифтанд. Дар деҳаи Рошорв меҳмонхонаи замонавӣ мавриди истифода қарор дода шуд.

Зимни суханронӣ раиси вилоят сокинони сарбаланди ин водии овозадорро ба муносибати 34 умин солгарди Истиқлоли давлатӣ табрик намуда аз рушди бемайлони минтақа дар замони соҳибистиҳлолии кишвар мисолҳои зиёдеро овард ва гуфт, ки Пешвои муаазами миллат муҳтарам Эмомалӣ Раҳмон дар радифи дигар минтақаҳои баландкўҳ, ба сокинони заҳматкаши Бартанг таваҷҷуҳи хоса доранд, ва баҳри баланд бардоштани сатҳу сифати зиндагии мардум пайваста талош доранд. .

Дар ин росто аз сокинони ҷамоат даъват ба амал оварда шуд, ки минбаъд низ дар роҳи созандагиву бунёдкорӣ қадамҳои устувор гузошта, аз тамоми имкониятҳо самаранок истифода намоянд.

Пас аз баромади раиси вилоят барномаи фарҳангии аҳли ҳунари вилоят таҳти «Шоми Истиқлоли водии Бартанг» анҷомбахши чорабини гардид.