Таърихи 10 сентябри соли равон тибқи Нақша-чорабиниҳои КИ ҲХДТ дар ноҳияи Рушон дар деҳаи Хуфи Ҷамоати деҳоти Пастхуф бахшида ба 25 солагии таъсиёбии ҲХДТ ва 28 солагии Истиқлолияти давлатии Ҷумҳурии Тоҷикистон чорабиниҳои сиёсӣ, фарҳангӣ ва варзиширо бо иштироки оммаи васеъ баргузор намуд.

      Раиси ҲХДТ дар ноҳияи Рушон бошандагони ин водии дурдастро бо ҷашни фархундаи миллат 28-умин солгарди Истиқлолияти давлатии Ҷумҳурии Тоҷикистон ва ба истифода додани Агрегати дуюми НОБ-и Роғун, ки бо иштироки Пешвои миллат баргузор гардид   табрику муборакбод намуда, оиди дастовардҳои беназири давраи соҳибистиқлолӣ, нақши ҲХДТ дар таҳкими Истиқлолдияти давлатӣ  маъруза карданд.

     Баъди чорабиниҳои сиёсӣ дар пеши муассисаи таҳсилоти миёнаи умумии рақами 13 чорабиниҳои фарҳангӣ ва варзишӣ бо иштироки ҷавонон, хонандагон ва ҳаваскорони ин деҳа ташкил карда шуданд.

     Дар мусобиқаи варзишӣ аз намуди волейбол 4 даста иштирок намуда, дастаи Хуф 1 сазовори ҷойи аввал, дастаи Хуф 2 сазовори ҷойи дуюм ва дастаи Пастхуф сазовори ҷойи сеюм гардида, ғолибони мусобиқа бо ифтихорнома ва мукофоти пулӣ аз тарафи КИ ҲХДТ дар ноҳия қадрдонӣ гардиданд.

    Чорабиниро Раиси Ҷамоати деҳоти Пастхуф ҷамъбаст намуда, изҳори сипоси сокинонро ба Ҳукумати Ҷумҳурии Тоҷикистон байён намуданд.