Рӯзи 23 ноябри соли ҷорӣ дар ноҳияи Рӯшон Рӯзи Парчами Тоҷикистон бо шукуҳу шаҳомати хоса таҷлил гардид. Субҳи ҳамин рӯз мардуми бисёре дар назди бинои мақомоти иҷроияи маҳаллии ҳокимияти давлатии ноҳия дар даст сурати Асосгузори сулҳу ваҳдат, Пешвои миллат, Президенти мамалакат ва парчамаҳои Тоҷикистон ҷамъ омада, сипас бо раҳпаймоии идона то Қасри фарҳанги ноҳия равон гаштанд. Ҳангоми раҳпаймоӣ суруд дар васфи парчаму ватан замзама карда, ҳушҳолии худро изҳор мекарданд.
Дар ҳамоиш муовини аввали раиси ВМКБ Алишер Мирзонаботов, роҳбарияти ноҳия, кормандони идораву муассисаҳои ноҳияву ҷамоатҳои деҳот, собиқадорон, сарбозон, муҳасилини муассисаи таҳсилоти миёнаи умумии рақами 9, мактаб-интернати ҷумҳуриявии дар ноҳия буда, варзишгарон, ҷавонон ва ғайра ширкат варзиданд.
Дар Қасри фарҳанг маҷлиси тантанавӣ ба ифтихори Рӯзи Парчам доир гашт. Мактаббачагони мактаби фарҳанги ноҳия бо иҷрои сурурди миллӣ маҷлисро ифтитоҳ бахшида, сипас муовини аввали раиси ВМКБ Алишер Мирзонаботов ба сухан баромада, аз таърихи парчами тоҷикон ёдовар гашт. Мавсуф зикр кард, ки мардуми тоҷик аз даврони хеле қадим соҳиби парчам буданд ва таҳти ливои хеш давлатдории худро пеш мебурданд. Имрӯз ҳам прачами Тоҷикистон разми сулҳу амонӣ, дӯстиву муттаҳидии мардуми тоҷик ба ҳисоб рафта, он Тоҷикистонро ба ҷаҳониён муаррифӣ менамояд. Хушбахтона, парчами Тоҷикистон дар пештоқи бисёр ташкилотҳои байналмилалӣ партавафшон аст. Таҳти парчами Тоҷикистон варзишгарон дар мусобиқаҳои байналмилалӣ ширкат варзида истодаанд. Дар фарҷоми суханронияш аз номи Муовини Раиси Маҷлиси Миллии Маҷлиси Олии Ҷумҳурии Тоҷикистон, Раиси ВМКБ, Мақомоти иҷроияи маҳаллии ҳокимияти давлатии вилоят ва шахсан аз номи хеш ҳозирин ва дар шахсияти онҳо ҳамаи мардуми ноҳияву вилоятро ба ифтихори Рӯзи парчами Тоҷикистон табрику муборакбод намуд.
Баъдан раиси ноҳияи Рӯшон Фаррух Додхудоев сухан намуд ва аз таърихи пачами ва муваффақиятҳои ба дастовардаи халқи тоҷик таҳти пачами миллӣ ёдовар гашт.
Танатаи Рӯзи парчамро баромади ҳунармандони ҷамоати деҳоти Бартанг, ки аз сурудҳо дар васфи парчаму ватани маҳбуб иборат буд, ҳусни тозае бахшид.
Мамадалӣ Бахтиёров, ноҳияи Рӯшон