Рӯзи 5-уми октябр ба муносибати гиромидошти Рӯзи забони давлатӣ дар Қасри фарҳанги ноҳияи Рӯшон маҷлиси тантанавӣ баргузор шуд.
Ҷамъомад бо сухани табрикотии раиси ноҳия Додхудоев Фарух Муборакшоевич оғоз гардид. Раиси ноҳия аҳли нишастро бо Рӯзи забони давлатии Ҷумҳурии Тоҷикистон табрик гуфта, дар хусуси забони ширину шевои тоҷикӣ , бузургиву шаҳомат ва қудрату тавоноии он аз суханони Асосгузори сулҳу ваҳдати миллӣ , Пешвои миллат, Президенти кишвар Эмомалӣ Раҳмон нуқтаҳои ҷолибро овард.
Чун охири ҳафтаи аввали мохи октябр дар Тоҷикистон ҳамасола ҷашни омӯзгорон қайд мегардад. Раиси ноҳия Додхудоев Ф.М. ин машъалони рахшони илму маърифатро бо иди касбиашон шодбош гуфта, чанде аз омӯзгорони фаъоли муассисаҳои таълимӣ бо унвони Аълочии маориф ва илм, ифтихорномаҳои Вазорати маориф ва илми Ҷумҳурии Тоҷикистон, Раиси ноҳияи Рушон ва тӯҳфаҳо қадрдонӣ намуданд.