Бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи маҳаллии ҳокимияти давлатии ноҳияи Рушон, бо мақсади дар сатҳи баланд таҷлил намудани 22 солагии Рӯзи Ваҳдати миллӣ як қатор чорабиниҳои сиёсӣ, маърифатӣ, фарҳангӣ ва варзишӣ доир гардиданд.

Соати 09-00 намояндаи Кумитаи кор бо ҷавонон ва варзиш, дар толори Мактаб интернати Ҷумҳуриявӣ бо теъдоди зиёди ҷавонон, варзишгарон ва аҳли ҷамоатчигии ноҳия вобаста ба татбиқи сиёсати давлатии ҷавонон, дурӣ ҷустан аз амалҳои номатлуб, интихоби дурусти касб дар бозори меҳнат, ҷалби бештари ҷавонони ихтиёрӣ ба хизмати ҳарбӣ ва дигар масъалаҳои муҳим суҳбати самимӣ ва озод намуда, ба саволҳои иштирокдорон ҷавобҳои мушаххас гардониданд.

Соати 11-00 баъди суҳбату вохурӣ намояндаи Кумита ба аёдати ҷавонони имконияташон маҳдуд рафта, бо аҳли оилаашон суҳбат намуданд.

Соати 14-00, баъди нисфирузӣ кормандони соҳаи кор бо ҷавонон ба аёдати сарбозони Дидбонгоҳи сарҳадии 05 Рушон рафта аз хурду хоб, фаъолият ва адои хизматашон аз наздик шинос шуда, дар охир барояшон лавозимотҳои варзишӣ аз қабили туби волейбол ва шоҳмот ҳадя намуданд.

Пас аз аёдати сарбозони Динбонгоҳи сарҳадӣ дар китобхонаи марказии ноҳия маҳфили шеъру сухан ва суруд бо иштироки наврасону ҷавонони соҳибитеъдод, бо мақсади дарёфти чеҳраҳои лаёқатманди ноҳия баргузор гардид.

Дар охири руз мусобиқаи варзишӣ аз намуди волейбол байни наврасону ҷавонони ноҳияи Рушон баргузор гардид, ки онро муовини аввали Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон расман кушода намуда, барои дастаҳои волейболбозон тубҳо ҳадя намуданд.