Таърихи 25 июни соли равон бо ибтикори КИ ҲХДТ дар ноҳияи Рушон дар ҳамкорӣ бо МИҲД-и ноҳия Конфренсияи илмӣ-амалӣ дар мавзӯи «Ваҳдат нишони пойдории давлат» бахшида ба 22-солагии Рӯзи Ваҳдати миллӣ баргузор гардид. Дар Конфренсия сардорони идораву муассиса, роҳбарони ҳизбҳои сиёсӣ, коршиносон, раисони ташкилотҳои ҲХДТ, раисони маҳаллаи маркази ноҳия, ҷавонон ва занони ноҳия иширок намуданд.

    Инчунин, дар кори Конфронс муовинони раиси ноҳия, мақомотҳои ҳифзи ҳуқуқ ва намояндагони ВАО иштирок намуданд. Конфронсро муовини раиси ноҳия оғоз бахшида, тамоми сокинони ноҳияро бо ин рӯзи муқаддас табрику таҳният намуданд.

Ба баррасии масъалаҳои Конфренсия мавзӯҳои зерин пешниҳод карда шуданд:

1.Нақши Ваҳдат дар самти тараққиёти Тоҷикистони соҳибистиқлол.

2. Мо ҷавонон ҳамқадами Ваҳдатем

3. Ифтихори шаъну шон аз Ваҳдат аст

4. Ваҳдат нишони пойдории давлат.

    Аз рӯи мавзӯи «Нақши Ваҳдат дар самти тараққиёти Тоҷикистони соҳибистиқлол баромад намуд устоди азизу муътабар, сухандон, шоири хушқалам, мудири шуъбаи идораи моҳномаи «Пайғоми Рушон» Пайшанбе Давлатов.

    Аз рӯи мавзӯи «Мо ҷавонон ҳамқадами Ваҳдатем» баромад намуд, Раиси ТҶҶ «Созандагони Ватан», ҷавондухтари фаъоли ноҳия Раҳимбекова Муниса.

    Аз рӯи мавзӯи «Ифтихори шаъну шон аз Ваҳдат аст» баромад намуд, шахси соҳибэҳтиром, шоири маҳаллӣ, омӯзгори фанни забон ва адабиёти тоҷики мактаб-интернати ҷумҳуриявӣ Пайшаев Равшанбек.

    Аз рӯи мавзӯи «Ваҳдат нишони пойдории давлат» баромад намуд ғолиби озмуни мақолаи беҳтарин, зани соҳибкасбу эъҷодкор, омӯзгори фанни забон ва адабиёти МТМУ №8 Бахтибекова Маҳтоб.

Дар ҷамъбасти  чорабинӣ наврасону ҷавонони навқалам, эъҷодкор ва ваҳдатсаро аз ашъорашон шеърҳои тозаэъҷодро ҳамчун армуғон ба иштирокдорон ҳадя намуданд. Чорабинӣ дар сатҳи баландӣ сиёсӣ баргузор гардид.