«Забон донӣ  – ҷаҳон донӣ »

3-уми октябр бахшида ба Рузи забони давлатӣ  ва Рузи муаллим дар мактаб-интернати ҷумҳуриявии ноҳия маҳфили адабӣ -фарҳангӣ  бо иштироки дастпарварони мактаб-интернат ва шоирону адибон баргузор шуд. Дар ин маҳфил дастпарварони мактаб интернат барномаи рангини адабию ҳунариро пешкаши тамошобинон намуданд.

Нахуст композитсияи адабӣ  мусиқии «Забон донӣ -ҷаҳон донӣ » дар иҷрои  толибилмони мактаб-интернат пешкаши тамошобинон гардид.

Дар ин маҳфили адабӣ  фарҳангӣ  шоир, рӯзноманигор ва узви конфедератсияи журналистон Пайшанбе Давлатов, шоир Равшанбек Пайшаев, омӯзгори фанни забон ва адабиёти тоҷик, шоира Гулнамо Мамадгаминова бахшида ба Рӯзи забон ашъори тозаэҷоди худро қироат намуданд.

Дар охири маҳфил навқаламон, хонандагони МТМУ № 11 Аминаи Муборакшо, Азизаи Иқболшо, Исломова Дилфуза, Раҳмхудоева М. ва дастпарвари фаъоли мактаб-интернат Азизи Қаландарбек шеърҳои дар васфи забони модарӣ  эҷодкардаи худро бо як меҳру самимият баҳри тамошобинон қироат намуданд.