Санаи 9.06.2021 дар шаҳри Хоруғ бо ибтикори КИ ҲХДТ дар ВМКБ даври вилоятии озмуни “Мо бо шумоем” бо иштироки наврасони имконияташон маҳдуд аз шаҳру навоҳии вилоят доир карда шуд. Дар озмун иштирокдорон аз рӯи 3 наминатсия, суханварӣ ва қироати шеър, сурудхонӣ ва навохтан дар асбобҳои миллию замонавӣ баромад намуданд.
Боиси ифтихор аст, ки аз ноҳия 2 нафар наврас, ки дар даври озмуни ноҳиявӣ ҷойҳои аввалро ишғол намуданд ба озмуни вилоятӣ иштирок намуда ҷойҳои фахриро ишғол намуданд.
Аз рӯи наминатсияи суханварӣ ва қироати шеър хонандаи синфи 4 МТМУ #7 Лофидинова Маҳина бо шеъри эҷодкардаи худ баромад намуд ва сазовори ҷойи аввал гардида, бо дипломи дараҷаи 1 ва мукофоти пулӣ аз тарафи КИ ҲҲДТ дар ВМКБ қадрдонӣ гардида ба озмуни даври ҷумҳуриявӣ роҳхат гирифтанд.
Аз рӯи наминатсияи сурудхонӣ Вазиров Сайнӣ касбомузӣ Литсейи касбии махсуси маъюбон баромад намуда ҷойи сеюмро ишғол намуда бо мукофотҳои хотиравӣ қадрдонӣ карда шуд. Дар озмун инчунин муовини раиси ВМКБ Анвар Иматшозода иштирок намуда тамоми довталабонро барои иштироки фаъолона ва нишон додани маҳорату истеъдоди баланди суханварӣ ва сурудхонӣ изҳори қаноатмандӣ намуда эшонро бо тӯҳфаҳои молию пулӣ сарфароз гардонид. Чорабинии доиргардида дар сатҳи баланди сиёсию фарҳангӣ ташкил карда шуд.