Чанд муддат аст, ки саросари ҷаҳонро таҳдиди нав, яъне бемории сироятии covid-19 Короновирус фаро гирифтааст, ки тамоми кишварҳои ҷаҳон ва аҳолии саёраро ба хатари ҷиддӣ ру ба ру гардондааст. Давлатҳои абарқудрати ҷаҳон низ аз олудашави бо ин вирус эмин набуда, соҳаи тандурустии ҳамаи кишварҳо бо он дастбагиребонанд. Аммо дида истодаем, ки дар натиҷаи муборизаи салоҳиятнокии илман асоснок афзоиши ин бемори дар бархе кишварҳо тамоюли пастшавиро касб карда, дар баъзе кишварҳо пурра барканор карда шудааст.     Мутасифона имрӯз ин беморӣ дар кишварамон низ ба қайд гирифта шудааст.    Аммо барои пешгирии ин вирус Ҳукумати кишвар ва мақомотҳои дахлдор корҳои саривақти ва чораҳои пешгириро пурзур карда истодаанд. Имрӯз барои ҳар яки мо муҳим он аст, ки ба таҳлука наафтем, воҳима накунем. Фақат тавсияҳо ва талаботҳои мутахассисони соҳаи тиббро ба ҷо оварда худ ва атрофиёнамонро аз ин беморӣ эмин нигоҳ дорем.       Дар ноҳияи Рушон низ имрӯз вобаста ба хуруҷи бемории Короновирус чораҳои мушахас андешида шуда истодааст.      КИ ҲХДТ дар ноҳияи Рушон дар ҳамкорӣ бо МИҲД- и ноҳия, соҳаи тандурустӣ ва ТҶ “Ҳилоли Аҳмар”  як қатор чорабиниҳои профилактикӣ ва пешгирикунанда  роҳандозӣ карда мешаванд. Аз тарафи КИ ҲХДТ бо мақсади дастгирӣ ва паҳншавии ин беморӣ барои оилаҳои ниёзманд, шахсони яккаву танҳо, шахсони имконияташон маҳдуд ва сарбозони Комендатураи ноҳия  ниқобҳо дастрас карда шуда, бо аҳолии ноҳия бо усули  хона ба хона вохуриҳо ва корҳои фаҳмондадиҳӣ гузаронида шуда, зиёда аз 4000 варақаҳои таблиғотӣ ба аҳолӣ тақсим карда шуд.     Дар ноҳия имрӯз бо мақсади пешгирии ин вабоъ раисони маҳаллаҳо, фаъолон, халифаҳо ва  ризокорон бо кормандони милитсия, соҳаи тиб ва МИҲД-и ноҳия кумак расонида бо аҳолӣ корҳои фаҳмондадиҳӣ ва пешгирикунандаро пеш бурда истодаанд.     Инчунин, аз тарафи бахши кор бо занон ба дузандаҳо супориш дода шуд , ки ниқобҳоро ҳарчи зиёдтар тайёр намуда, аҳоли бояд аз онҳо бархурдор гардад.      Дар ноҳия вобаста ба ин беморӣ Ситоди доимоамаликунанда фаъолият намуда, аз тарафи аъзоёни ситод ҳар руз ба раиси Ситод ҳисобот пешкаш карда мешавад.